দীৰ্ঘসময়ৰ অপেক্ষাৰ অন্তত নাগালেণ্ডৰ ডিমাপুৰ ৰে’লৱে ষ্টেশ্যনে নাগা কৃষ্টি-সংস্কৃতি প্ৰতিফলিত হোৱাকৈ অত্যাধুনিক সা-সুবিধা লাভ কৰিছে।
উত্তৰ-পূবৰ দ্বিতীয় ব্যস্ত ৰে’লৱে ষ্টেশ্যনটো আধুনিকীকৰণৰ অন্তত বুধবাৰে যাত্ৰী সকলৰ বাবে বিমান বন্দৰ সদৃশ সা-সুবিধাৰ সৈতে মুকলি কৰি দিয়া হয়।
Take a look into the beautiful #Dimapur Railway Station, gateway to #Nagaland pic.twitter.com/WTdleiKnwb
— Northeast Frontier Railway (@RailNf) January 22, 2020
নতুনকৈ সজাই পৰাই তোলা ডিমাপুৰ ৰে’লৱে ষ্টেশ্যনটোত ১০০ ফুট উচ্চতাত এখন ৰাষ্ট্ৰীয় পতাকা স্থাপন কৰা হৈছে যিয়ে ৰাষ্ট্ৰীয় একতা আৰু ভাতৃত্ববোধ দৃঢ় কৰিব বুলি উত্তৰ-পূব সীমান্ত ৰে’লৱেৰ এগৰাকী কৰ্মীয়ে কয়।
উত্তৰ-পূব সীমান্ত ৰে’লৱে টুইটাৰত মুকলি কৰা অত্যাধুনিক ৰেল ষ্টেশ্যনটোৰ দৃশ্যত সুদৃশ্য প্ৰৱেশদ্বাৰ, আটকধুনীয়া জিৰণি কক্ষ আদি দেখা গৈছে।
নাগালেণ্ডৰ প্ৰবেশদ্বাৰ স্বৰূপ ডিমাপুৰ ৰে’লৱে ষ্টেশ্যনটোক আধুনিক ৰূপ দিয়াত অঞ্চলটোৰ লগতে নাগালেণ্ডৰ জনসাধাৰণৰ দীৰ্ঘদিনীয়া সপোন এটাই বাস্তৱ ৰূপ পালে।
ৰে’ল মন্ত্ৰী পিযুষ গোৱেলেও নৱ-নিৰ্মিত ডিমাপুৰ ৰে’লৱে ষ্টেশ্যনৰ কিছু ছবি নিজৰ টুইটাৰ একাউণ্টত শ্বেয়াৰ কৰি ইয়াৰ নিৰ্মাণ শৈলী আৰু নাগালেণ্ডৰ প্ৰশংসা কৰে।
