মৰিগাঁও জিলা পশুপালন বিভাগ আৰু পশুচিকিৎসা বিভাগৰ কাৰ্যালয়ৰ প্ৰাঙ্গণত বৃহস্পতিবাৰে জিলাখনৰ ডেৰশ গৰাকী হিতাধিকাৰীৰ মাজত উন্নত জাতৰ কুকুৰাৰ পোৱালি আনুষ্ঠানিকভাৱে বিতৰণ কৰা হয়।
উল্লখ্য যে অসম চৰকাৰৰ উদ্ভাৱনী কুকুৰা উৎপাদন আঁচনি তথা ৰাষ্ট্ৰীয় পশুধন অভিযান অসমৰ অধীনত, জিলা পশুপালন ও পশু চিকিৎসা বিষয়া মৰিগাঁৱৰ সৌজন্যত আৰু কৃষি বিজ্ঞান কেন্দ্ৰ মৰিগাঁৱৰ সহযোগত এই কুকুৰা পোৱালি বিতৰণ কৰা হয়।
এই কাৰ্যসূচীত জিলাখনৰ অনুসূচীত জাতিৰ ৫০ গৰাকী ,জাগীৰোডৰ গোভাৰ গাঁৱলীয়া গাঁৱৰ ৫০ গৰাকী আৰু জিলাখনৰ বিভিন্ন প্ৰান্তৰ ৫০ গৰাকী কুকুৰা পালকসহ মুঠ ডেৰশ গৰাকী হিতাধিকাৰীৰ মাজত উন্নত জাতৰ কুকুৰাৰ পোৱালি বিতৰণ কৰা হয়।
কলিঙ্গ ব্ৰাউন নামৰ উন্নত প্ৰজাতিৰ ৪০ টাকৈ কুকুৰাৰ পোৱালি, খাদ্য আৰু ঔষধ প্ৰতি গৰাকী হিতাধিকাৰীক প্ৰদান কৰে।
উল্লেখ্য যে কৃষকৰ উপাৰ্জন দুগুণ বৃদ্ধি কৰাৰ লক্ষ্যৰে চৰকাৰে কৃষকসকলক এনে ধৰণৰ বিভিন্ন আঁচনিৰে সামৰি অৰ্থনৈতিক ভেটি সবল কৰাৰ প্ৰয়াস চলাইছে।
পশু চিকিৎসক নিলোৎপল কাকতিয়ে আঁতধৰা কুকুৰা পোৱালি বিতৰণ কাৰ্যসূচীত মৰিগাঁও জিলাৰ সহকাৰী আয়ুক্ত মৈত্ৰেয়ী মৰাণ, জিলা পশুপালন ও পশু চিকিৎসা বিষয়া ডাঃ অনিল কুমাৰ ডেকাসহ বিভাগটোৰ কৰ্মচাৰীসকল উপস্থিত থাকে।
