আমেৰিকাৰ ৰাষ্ট্ৰপতি ডোনাল্ড ট্ৰাম্পে চীনক পুনৰ সকীয়াই দি কয় যে যদি কৰ’না ভাইৰাছৰ সংক্ৰমণ জানি বুজি বিয়পোৱাৰ বাবে দোষী পোৱা যায় তেতিয়াহ’লে চীনে ইয়াৰ পৰিণাম বূগিব লাগিব।
আমেৰিকাৰ ৰাষ্ট্ৰপতিগৰাকীয়ে কোভিড-১৯কলৈ চীনৰ ৰহস্যজনক স্থিতি, এই ৰোগৰ সৈতে জড়িত তথ্য কমকৈ প্ৰদৰ্শন কৰা আৰু আৰম্ভণিতে আমেৰিকাৰ সৈতে সহযোগ নকৰাকলৈ অসন্তুষ্টি প্ৰকাশ কৰে।
হোৱাইট হাউছত সাংবাদিকৰ সৈতে বাৰ্তালাপত ট্ৰাম্পে কয়,’’যদি তেওঁলোকে জানি বুজি এইটো কৰিছে তেতিয়াহ’লে ইয়াৰ পৰিণাম ভূগিবলৈ সাজু থাকক।‘’
ট্ৰাম্পে কয় যে যেতিয়াৰে পৰা কোভিড-১৯ৰ সংক্ৰমণ সমগ্ৰ বিশ্বত বিয়পিবলৈ আৰম্ভ কৰে তাৰ আগলৈকে চীনৰ সৈতে বহুত ভাল সম্বন্ধ আছিল।
ইয়াৰ পূৰ্বে ৰাষ্ট্ৰপতি ট্ৰাম্পে কৈছিল যে চীনে কৰ’নাৰ ফলত মৃত্যু হোৱা লোকৰ যি সংখ্যা প্ৰকাশ কৰিছে সেয়া বিশ্বাসযোগ্য নহয় আৰু চীনত আমেৰিকাতকৈয়ো অধিক লোকৰ মৃত্যু হৈছে।
চীনে কৰ’না ভাইৰাছৰ উৎপত্তি কেন্দ্ৰ উহানত মৃত্যুৰ সংখ্যা ৫০ শতাংশ বৃদ্ধি পাব বুলি বক্তব্য দাঙি ধৰাৰ পাছতেই ট্ৰাম্পে তেওঁৰ প্ৰতিক্ৰিয়া ব্যক্ত কৰে।
চীনৰ সৈতে বাণিজ্য চুক্তিৰ কথা সোঁৱৰাই দি ট্ৰাম্পে কয় যে যেতিয়া আমি চুক্তি কৰিছিলো সেই সময়ত আমাৰ সম্বন্ধটো বহুত ভাল আছিল।
ট্ৰাম্পে লগতে কয়,’’কোনো ভুলৰ বাবে বিষয় নিয়্ন্ত্ৰণৰ বাহিৰলৈ যোৱা আৰু কিছু জানি বুজি কৰা ভুলৰ মাজত পাৰ্থক্য আছে।‘’
আমেৰিকাৰ ৰাষ্ট্ৰপৰিগৰাকীয়ে কয়,’’আপোনালোকে জানে আমি প্ৰথম অৱস্থাতে তেওঁলোকক সুধিছিলো, কিন্তু তেওঁলোকে এই বিষয়ত একো নক’লে। মোৰ ভাৱ হয় তেওঁলোকে কিবা যে ভুল হৈ গ’ল সেয়া জানিছিল আৰু সেয়া ক’বলৈ তেওঁলোকৰ সংকোচ হৈছিল।‘’
ট্ৰাম্পে কয় যে চীনে আমেৰিকাৰ ৰাষ্ট্ৰপতিৰ নিৰ্বাচনত জো বিদেন জয়ী হোৱাটো বিচাৰিছিল। বিদেন জয়ী হ’লে আমেৰিকাত চীনৰ প্ৰভুত্ব বাঢ়িলহেতেন। ট্ৰাম্পে আমেৰিকাৰ অৰ্থনীতি কিছুদিনৰ পাছতে নিয়ন্ত্ৰণলৈ আহিব বুলিও সদৰী কৰে।
