ৰাজ্যৰ ভিতৰতে যোগ্য প্ৰাৰ্থী ড০ হাফিজ ৰফিকুল ইছলাম : সাংসদ চিৰাজউদ্দিন আজমল

লোকসভা নিৰ্বাচনত ৰাজ্যৰ ভিতৰত যোগ্য প্ৰাৰ্থী ড০ হাফিজ ৰফিকুল ইছলাম ৷ ৬নং বৰপেটা লোকসভা সমষ্টিৰ এআইয়ুডিএফ দলৰ প্ৰাৰ্থী ড০ হাফিজ ৰফিকুল ইছলামৰ সমৰ্থনত দেওবাৰে এই মন্তব্য আগবঢ়ায় বৰপেটাৰ সাংসদ চিৰাজুদ্দিন আজমলে।

এআইয়ুডিএফ দলৰ মুৰব্বী বদৰুদ্দিন আজমলৰ ভাতৃ তথা বৰপেটাৰ সাংসদ চিৰাজউদ্দিন আজমলে বাঘবৰত অনুষ্ঠিত নিৰ্বাচনী জনসভাত লগতে কয় যে, নিস্পেষিত, দৰিদ্ৰ বিভিন্ন জাতি জনগোষ্ঠীৰ বাবে এআইয়ুডিএফ দলৰ প্ৰয়োজন আছে আৰু ভবিষ্যতেও থাকিব ৷

চিৰাজউদ্দিন আজমলে লগতে সাম্প্ৰদায়িক বিজেপি‌ক প্ৰতিহত কৰাৰ স্বাৰ্থ‌ত ভোট বিভাজন ৰোধৰ বাবে এআইয়ুডিএফ দলে অসমৰ তিনিটা লোকসভা সমষ্টিত প্ৰাৰ্থিত্ব আগবঢ়াইছে কিন্তু  কংগ্ৰেছ দলে সাম্প্ৰদায়িক বিজেপি মিত্ৰ‌জোঁটক সহায় কৰাৰ বাবে এআইয়ুডিএফৰ বিৰুদ্ধে প্ৰতিদ্বন্দ্বিতাত নমা বুলি কয়।

বাঘবৰত অনুষ্ঠিত দলটোৰ নিৰ্বাচনী বিশাল জনসভাত দলটোৰ কেন্দ্ৰীয় কমিটিৰ সাধাৰণ সম্পাদক চম্পক কলিতা, মীৰা দৈমাৰীয়েও ভাষণ প্ৰদান কৰে।