প্ৰতিৰক্ষা প্ৰযুক্তিৰ উদ্ভাৱনৰ বাবে ডি আৰ ডি অ’ৰ ”দেয়াৰ টু ড্ৰীম ২.০” শীৰ্ষক প্ৰতিযোগিতা

দেশৰ প্ৰাক্তন প্ৰধান মন্ত্ৰী এ পি জে আব্দুল কালামৰ পঞ্চম মৃত্যু বাৰ্ষিকী উপলক্ষে ভাৰতীয় প্ৰতিৰক্ষা গৱেষণা বিকাশ সংস্থা (ডি আৰ ডি অ’)ই ‘দেয়াৰ টু ড্ৰীম ২.০’ শীৰ্ষক এক প্ৰতিযোগিতা অনুষ্ঠিত কৰিছে।

মূলত প্ৰতিৰক্ষা আৰু মহাকাশ প্ৰযুক্তিৰ বিকাশৰ বাবে ব্যক্তিগত আৰু ষ্টাৰ্টআপ উদ্ভাৱনক অধিক উদ্বুদ্ধ কৰাৰ বাবেই ডি আৰ ডি অ’ই এই প্ৰতিযোগিতাখন আহ্বান কৰিছে।

প্ৰতিযোগিতাখনত ব্যক্তিগত বিজয়ী সকলে ৫ লাখ আৰু ষ্টাৰ্টআপে ১০ লাখ টাৰ পুৰস্কাৰ লাভ কৰিব।

দেশৰ প্ৰাক্তন ৰাষ্ট্ৰপতি তথা মিছাইল মেন হিচাপে পৰিচিত এ পি জে আব্দুল কালামে ডি আৰ ডি অ’ত কৰ্মৰত হিচাপে থকা অৱস্থাত বেলেষ্টিক মিছাইল আৰু চেটেলাইট উৎক্ষেপন প্ৰযুক্তিকে আদি কৰি ভালেকেইটা প্ৰকল্পৰ বিকাশত গুৰুত্বপূৰ্ণ অৰিহনা যোগাইছিল।

দেশৰ প্ৰতিৰক্ষা মন্ত্ৰী ৰাজনাথ সিঙে ডি আৰ ডি অ’ৰ এই প্ৰচেষ্টাৰ বাবে ধন্যাবদ জ্ঞাপন কৰে।

২০১৫ চনৰ ২৭ জুলাইত ৮৩ বছৰ বয়সত মেঘালয়ত এ পি জে আব্দুল কালামৰ দেহাৱসান ঘটিছিল।