‘অপাৰেচন সিন্দূৰ’ৰ পিছত পাকিস্তানৰ লাহোৰত ৮ মে’ৰ ৰাতিপুৱা তিনিটা শক্তিশালী বিস্ফোৰণে চাঞ্চল্যৰ সৃষ্টি কৰিছে। স্থানীয় সংবাদ মাধ্যমৰ মতে, ৱালটন বিমানবন্দৰৰ ওচৰৰ গোপাল নগৰ আৰু নাছিৰাবাদত বিস্ফোৰণৰ শব্দ শুনা গৈছে। এই অঞ্চলটো ব্যৱসায়িক আৰু সামৰিক গুৰুত্বৰ। পাকিস্তানী আৰক্ষীৰ দাবী, ড্ৰ’নৰ পৰা পাঁচ-ছয় ফুট উচ্চতাৰ পৰা ডিট’নেটৰ নিক্ষেপ কৰি এই বিস্ফোৰণ ঘটোৱা হৈছে, যদিও ড্ৰ’নখন গুলীয়াই পেলোৱা হৈছে। বিস্ফোৰণৰ পিছত ধোঁৱাই অঞ্চলটো ঢাকি পেলাই। অৱ্যশে এতিয়ালৈকে হতাহতিৰ খবৰ পোৱা নাই।
উল্লেখ্য যে অপাৰেচন সিন্দুৰ’ৰ অধীনত ৭ মে’ৰ নিশা ভাৰতীয় বায়ুসেনাই পাকিস্তান আৰু পাক অধিকৃত কাশ্মীৰৰ নটা সন্ত্ৰাসবাদী ঘাটিত ক্ষেপণাস্ত্ৰ নিক্ষেপ কৰিছিল। জইছ-ই-মহম্মদ, লস্কৰ-ই-তৈবা আৰু হিজবুল মুজাহিদীনৰ ঘাটি ধ্বংস কৰা হৈছিল এই অভিযানত। ভাৰতে স্পষ্ট কৰিছে যে আক্ৰমণ কেৱল সন্ত্ৰাসবাদীক লক্ষ্য কৰিলোৱা হৈছিল।
লাহোৰৰ বিস্ফোৰণৰ আঁৰৰ কাৰণ এতিয়াও অস্পষ্ট, কিন্তু ভাৰত-পাকিস্তান উত্তেজনাৰ মাজত ই নতুন মাত্ৰা যোগ কৰিছে। জানিব পৰা মতে পাকিস্তানে নিয়ন্ত্ৰণ ৰেখাত গোলাবৰ্ষণ বৃদ্ধি কৰিছে, যাৰ ফলত ভাৰতত প্ৰায় ১২ জন নিহত হৈছে। ভাৰতে সীমান্তৰ বিমানবন্দৰ বন্ধ কৰি সতৰ্কতা জাৰি ৰাখিছে। আন্তঃৰাষ্ট্ৰীয় নেতাসকলে শান্তিৰ আহ্বান জনাইছে। ভাৰতে কূটনৈতিকভাৱে পাকিস্তানৰ অপপ্ৰচাৰৰ প্ৰত্যুত্ত্ৰ দি শান্তিৰ পথ মুকলি ৰাখিছে বিলি সদৰী কৰিছে।
