তিনিচুকীয়া জিলাৰ জাগুন আৰক্ষী চকীৰ সীমামূৰীয়া অৰুণাচল প্ৰদেশৰ খাৰচাঙত ড্ৰাগছসহ এজন সৰবৰাহকাৰীক আৰক্ষীয়ে আটক কৰিবলৈ আজি জে’ললৈ প্ৰেৰণ কৰে। ড্ৰাগছ সৰবৰাহকাৰীজনক নৰ বাহাদুৰ তামাং বুলি চিনাক্ত কৰা হৈছে।
খাৰচাং আৰক্ষীৰ উপ-পৰিদৰ্শক এছ ৱাংচু আৰু সহ উপপৰিদৰ্শক কে কুমাৰৰ নেতৃত্বত চলোৱা এক অভিযানত বৃহস্পতিবাৰে অৰ্থাৎ ২২ আগষ্টত অৰুণাচল প্ৰদেশৰ খাৰচাং চক্ৰৰ লংটন গাঁৱৰ নাফুক নলা এলেকাত ব্ৰাউন চুগাৰসহ এজন ড্ৰাগছ সৰবৰাহকাৰীক আটক কৰে।
আৰক্ষীয়ে আটকাধীন ড্ৰাগছ সৰবৰাহকাৰীজনৰ পৰা ৫ গ্ৰাম ওজনৰ ১২ পেকেট ব্ৰাউন চুগাৰ আৰু ড্ৰাগছ সেৱণত ব্যৱহৃত ৰূপালী কাগজ উদ্ধাৰ কৰে।
আটকাধীন ড্ৰাগছসৰবৰহকাৰীজনে ব্ৰাউন চুগাৰখিনি বৰডুমচাৰ পৰা সংগ্ৰহ কৰা বুলি তামাং আৰক্ষীৰ আগত স্বীকাৰোক্তি প্ৰদান কৰিছে।
আৰক্ষীয়ে এন ডি পি এছএক্টৰ ২১(এ) ২৭ ধাৰাত ১৪/২০১৯ নম্বৰত এটা গোচৰ ৰুজু কৰি ড্ৰাগছ সৰবৰাহকাৰী তামাঙক আজি জে’ললৈ প্ৰেৰণ কৰে।
উল্লেখযোগ্য যে সীমামূৰীয়া এই অঞ্চল সমূহৰ পৰাই তিনিচুকীয়া জিলালৈ মাৰাত্মক ড্ৰাগছ দীৰ্ঘদিনে সৰবৰাহ হৈ আহিছে। এইক্ষেত্ৰত আবকাৰী বিভাগ চূড়ান্তভাৱে ব্যৰ্থ হোৱা বুলি স্থানীয় ৰাইজে অভিযোগ উত্থাপন কৰিছে।
