শীঘ্ৰেই স্থানান্তৰ কৰা হ’ব ভয়াৱহ প্ৰদূষণৰ সৃষ্টি কৰা দীপৰ বিলৰ ডাম্পিং গ্ৰাউণ্ড
গুৱাহাটীৰ প্ৰাকৃতিক সৌন্দৰ্যৰ ৰম্যভূমি হিচাপে পৰিচিত দীপৰ বিলৰ সমীপত থকা জাৱৰ জোথৰ পেলোৱা ‘ডাম্পিং গ্ৰাউণ্ড’ সোনকালেই আন ঠাইলৈ স্থানান্তৰ কৰা হ’ব। ৰাষ্ট্ৰীয় সেউজ ন্যায়াধীকৰণে গুৱাহাটী পৌৰ নিগমক আগন্তুক দুমাহৰ ভিতৰত এই পেলনীয়া জাৱৰ জোথৰৰ ডাম্পিং গ্ৰাউণ্ড স্থানান্তৰৰ নিৰ্দেশ দিছে।
ৰাষ্ট্ৰীয় সেউজ ন্যায়াধীকৰণে এই ডাম্পিং গ্ৰাউণ্ড বৰ্তমানৰ স্থানৰ পৰা চন্দ্ৰপুৰ অঞ্চললৈ পৰৱৰ্তী দুমাহৰ ভিতৰত স্থানান্তৰ কৰাৰ বাবে নিৰ্দেশ দিছে।
আনহাতে, ৰাষ্ট্ৰীয় সেউজ ন্যায়াধীকৰণে ইয়াৰ নিৰ্দেশটোত গুৱাহাটী পৌৰ নিগমক অহা ১৬জুলাইৰ ভিতৰত এই ডাম্পিং গ্ৰাউণ্ড দীপৰ বিলৰ সমীপৰ বৰ্তমানৰ পশ্চিম বৰাগাঁৱত থকা স্থানৰ পৰা চন্দ্ৰপুৰৰ প্ৰস্তাৱিত স্থানলৈ নিয়াৰ বাবে পদক্ষেপ গ্ৰহণ কৰিবলৈ নিৰ্দেশ দিছে।
তদুপৰি, ৰাষ্ট্ৰীয় সেউজ ন্যায়াধীকৰণে গুৱাহাটী পৌৰ নিগমক এই ডাম্পিং গ্ৰাউণ্ড বৰ্তমানৰ স্থানৰ পৰা চন্দ্ৰপুৰৰ প্ৰস্তাৱিত নতুন স্থানলৈ স্থানান্তৰৰ বাবে গ্ৰহণ কৰা ব্যৱস্থা সন্দৰ্ভত এখন শপতনামা দাখিলৰো নিৰ্দেশ দিয়ে।
কেইবাগৰাকীও পৰিৱেশবিদ তথা সামাজিক কৰ্মীয়ে পশ্চিম বৰাগাঁৱত থকা ডাম্পিং গ্ৰাউণ্ডৰ পেলনীয়া জাৱৰ জোথৰে প্ৰদূষণ সৃষ্টি কৰাৰ অভিযোগ তুলি দীপৰ বিলৰ পানী প্ৰদূষিত কৰাৰ লগতে জৈৱ বৈচিত্ৰৰ প্ৰতিও ভাবুকিৰ সৃষ্টি কৰাৰ বিষয়ে চৰকাৰক অৱগত কৰি আৰু ইয়াক উক্ত স্থানৰ পৰা স্থানান্তৰ কৰাৰ বাবে আহ্বান জনাই আহিছে।