যদি ৰোগীৰ হৃদযন্ত্ৰ সঠিকভাৱে কাম নকৰে তেন্তে হৃদযন্ত্ৰ সংৰোপণৰ (হাৰ্ট ট্ৰেন্সপ্লান্ট) বাহিৰে আন কোনো বিকল্প নাথাকে। ট্ৰান্সপ্লাণ্টৰ পিছতো সকলোৱে এটা প্ৰশ্নৰ উত্তৰ জানিব বিচাৰে যে সেই ব্যক্তিজনে কিমান বছৰলৈ স্বাভাৱিক জীৱন যাপন কৰিব পাৰে? কোনোবাই কয় ৫ বছৰ, ১০ বছৰ আৰু কোনোবাই কয় ১৬ বছৰ। কিন্তু নেদাৰলেণ্ডৰ নাগৰিক বাৰ্ট জান্সেনে এই সমস্ত দাবী নস্যাৎ কৰি দিছে।
গুৰুতৰভাৱে হাৰ্ট এটেকত আক্ৰান্ত হৈ হাৰ্ট ট্ৰান্সপ্লাণ্ট কৰা বাৰ্ট জান্সেনে আৰু ৩৯ বছৰ ১০০ দিন জীয়াই থাকি আটাইতকৈ দীৰ্ঘজীৱী ট্ৰান্সপ্লাণ্ট ৰোগীৰ গিনিজ ৱৰ্ল্ড ৰেকৰ্ড গঢ়িছে। কাৰণ, জান্সেনৰ বৰ্তমানৰ হৃদৰোগ বিশেষজ্ঞ কাছপাৰ উৰ্লিংছৰ মতে, হৃদৰোগীৰ গড় আয়ুস প্ৰতিস্থাপনৰ পিছত মাত্ৰ ১৬ বছৰ।
১৯৮৪ চনৰ কথা, বাৰ্ট জান্সেনে গম পালে যে তেওঁ গুৰুতৰ হৃদৰোগত আক্ৰান্ত হৈছে। তেতিয়া তেওঁৰ বয়স আছিল মাত্ৰ ১৭ বছৰ। আৰু এই ৰোগৰ নাম আছিল কাৰ্ডিঅ’মাইঅ’পেথী। এইটো হৃদযন্ত্ৰৰ পেশীৰ ৰোগ যাৰ বাবে হৃদযন্ত্ৰই শৰীৰৰ চাৰিওফালে তেজ পাম্প কৰাটো জটিল কৰি তোলে।
লগতে পঢ়কঃ মেঘালয়ত জন কেনেডীৰ হাতত গ্ৰেপ্তাৰ প্ৰাৰ্থী হিটলাৰ! নিৰ্বাচনী আয়োগৰ পোষ্টক লৈ চাঞ্চল্য
তেওঁক পৰীক্ষা কৰি চিকিৎসকে কৈছিল যে জান্সেনৰ জীয়াই থকাৰ বাবে হাতত মাত্ৰ ৫ মাহ বাকী আছে, কিন্তু আজি ৪০ বছৰৰ পাছত এই মানুহজনে প্ৰমাণ কৰিলে যে হৃদযন্ত্ৰ সংৰোপণৰ জৰিয়তে দীৰ্ঘম্যাদী জীৱন লাভ কৰাটো একেবাৰে সম্ভৱপৰ।
জান্সেনে কয় যে তেওঁ মানুহৰ বাবে আদৰ্শ হ’ব বিচাৰে। ১৯৮৪ চনত যেতিয়া জান্সেনে তেওঁৰ ৰোগৰ বিষয়ে জানিব পাৰিলে, তেতিয়া নেদাৰলেণ্ডৰ হাতত হৃদযন্ত্ৰ সংৰোপণ কৰিব পৰাকৈ পৰ্যাপ্ত প্ৰযুক্তি নাছিল। গতিকে হৃদৰোগ বিশেষজ্ঞ এলবাৰ্ট মেটাৰ্টে বাৰ্ট জান্সেনক ইংলেণ্ডৰ হেৰেফিল্ড হাস্পতাললৈ প্ৰেৰণ কৰে।
কেইবছৰমানৰ পাছত দুজন যুৱকৰ এক মৰ্মান্তিক গাড়ী দুৰ্ঘটনাত মৃত্যু হয়। দুয়োজনে অংগ দান কৰাৰ পিছত একে বছৰৰ জুন মাহত জান্সেনে ট্ৰান্সপ্লাণ্ট অস্ত্ৰোপচাৰ কৰে। মাগডীয়ে ইয়াকুবেৰে তেওঁ এই জীৱন ৰক্ষাকাৰী অস্ত্ৰোপচাৰটো কৰিছিল। জান্সেন সুস্থ-সবল যদিও হৃদযন্ত্ৰৰ লগত জড়িত ঔষধৰ পাৰ্শ্বক্ৰিয়াৰ বাবে জীৱনশৈলীৰ কিছু পৰিৱৰ্তন কৰিবলগীয়া হৈছে।
লগতে পঢ়কঃধূলি আৰু প্ৰদূষণৰ পৰা হোৱা স্বাস্থ্যজনিত সমস্যাৰ পৰা কেনেকৈ বাচি থাকিব? জানি লওক এতিয়াই
হৃদযন্ত্ৰ সংৰোপণৰ ৩৯ বছৰ আৰু ১০০ দিনৰ পিছত জীয়াই থকাৰ বাবে জান্সেনক গিনিজ ৱৰ্ল্ড ৰেকৰ্ডছৰ দ্বাৰা আনুষ্ঠানিকভাৱে স্বীকৃতি দিয়া হৈছে। গিনিজৰ তথ্য অনুসৰি ইয়াৰ পূৰ্বে ৩৪ বছৰ ৩৫৯ দিনৰ অভিলেখ আছিল। সেই অভিলেখ ২০২১ চনত কানাডাৰ হেৰল্ড ছকিৰ্কাৰে গঢ়িছিল।
চিকিৎসকসকলে কয় যে ট্ৰান্সপ্লাণ্ট কৰা ৰোগীয়ে সুস্থ জীৱনশৈলী বজাই ৰখা আৰু সক্ৰিয় হৈ থকাটো প্ৰয়োজন। জান্সেনে ঠিক তেনেকুৱাই কৰিছিল, যাৰ বাবে তেওঁ ইমান দিন ধৰি জীয়াই আছে।
