অসমৰ উপ নিৰ্বাচনৰ দিন ঘোষণা; ৩০ অক্টোবৰত ৰাজ্যৰ ৫টা সমষ্টিৰ বাবে হ’ব ভোটগ্ৰহণ

অসমৰ বিধানসভা নিৰ্বাচনৰ বাবে ভাৰতীয় নিৰ্বাচন আয়োগে দিন ঘোষণা কৰিছে।

উপ নিৰ্বাচনৰ দিন ঘোষণা : সেই অনুসৰি, ৰাজ্যখনৰ ৫টা বিধানসভা সমষ্টিৰ উপ নিৰ্বাচনৰ বাবে অহা ৩০ অক্টোবৰত ভোটগ্ৰহণ অনুষ্ঠিত হ’ব।

অহা ১ অক্টোবৰত উপ নিৰ্বাচনৰ বাবে অধিসূচনা জাৰি কৰা হ’ব আৰু মনোনয় পত্ৰ দাখিলৰ অন্তিম তাৰিখ ৮অক্টোবৰ ধাৰ্য কৰা হৈছে।

Latest News: Google Chrome users warned: ডাটা লিক হোৱাৰ শংকা! দুশ কোটি ক্ৰ’ম য়ুজাৰক সতৰ্ক কৰি দিলে গুগলে

মনোনয়ন প্ৰত্যাহাৰৰ অন্তিম দিন ধাৰ্য কৰা হৈছে ১৬ অক্টোবৰ। সেইদৰে ২ নৱেম্বৰত ভোটগণনা কৰা হ’ব।

অসমৰ গোসাঁইগাঁও, ভবানীপুৰ, তামুলপুৰ, মৰিয়নী আৰু থাওৰা এই ৫টা সমষ্টিৰ বাবে উপ নিৰ্বাচন অনুষ্ঠিত হ’ব।

আনহাতে, প্ৰাক্তন মুখ্যমন্ত্ৰী তথা বৰ্তমান কেন্দ্ৰীয় মন্ত্ৰী সৰ্বানন্দ সোণোৱালে এতিয়াও বিধায়ক পদ ত্যাগ নকৰাৰ বাবে মাজুলীৰ উপ–নিৰ্বাচনৰ দিন ঘোষণা হোৱা নাই।