Models Raped: মিউজিক ভিডিঅ’ৰ শ্বুটিঙৰ সময়তে ছেটত বন্দুকধাৰীৰ দল; বন্দুক দেখুৱাই ধৰ্ষণ ৮ গৰাকী মডেলক
Eight models raped during music video shoot মিউজিক ভিডিঅ’ৰ শ্বুটিং চলি থকা সময়তে শ্বুটিং স্থলীত প্ৰৱেশ কৰে বন্দুকধাৰীৰ এটা দলে।তাৰ পিছত আঠগৰাকী মডেলক ধৰ্ষণ কৰে!
দক্ষিণ আফ্ৰিকাৰ জোহান্সবাৰ্গৰ পশ্চিমে ক্ৰুগাৰ্চডৰ্প চহৰত সংঘটিত হৈছে এই ঘটনা। এই ঘটনাৰ সৈতে জড়িত ২০ জন সন্দেহজনক দুৰ্বৃত্তৰ তিনিজনক ইতিমধ্যে গ্ৰেপ্তাৰ কৰা হৈছে।
আৰক্ষীৰ সূত্ৰ অনুসৰি সংগীত ভিডিঅ’টো শ্বুট কৰাৰ প্ৰস্তুতি চলি আছিল। দৃশ্যগ্ৰহণত জড়িত কলা-কুশলীসকলে তেওঁলোকৰ প্ৰয়োজনীয় সা-সামগ্ৰীবোৰ গোটাই আছিল। অভিযোগ মতে সেই সময়তে বন্দুকধাৰৰ দলটো তাত উপস্থিত হৈছিল।
লগতে পঢ়ক: মুম্বাইত ৰণবীৰ-শ্ৰদ্ধাৰ ছবিৰ শ্বুটিং ছেটত ভয়ংকৰ অগ্নিকাণ্ড; এজন যুৱকৰ মৃত্যু
কমেও আঠগৰাকী মডেলক বন্দুকধাৰীৰ দলটোৱে বন্দুক দেখুৱাই দলবদ্ধ ধৰ্ষণ কৰে। ভুক্তভোগীসকলৰ প্ৰতিগৰাকীৰ বয়স ১৮ ৰ পৰা ৩৫ বছৰৰ ভিতৰত বুলি কোৱা হৈছে।
এগৰাকী যুৱতী মডেলক আনকি ১০ জন পুৰুষে ধৰ্ষণ কৰাৰ অভিযোগ উত্থাপন হৈছে। আন এগৰাকী মডেলক আঠজন পুৰুষে যৌন নিৰ্যাতন চলাইছিল। বন্দুকধাৰীসকলে আনকি মডেলসকলক উলংগ কৰি সকলোবোৰ লুটি নিছিল।
আৰক্ষীয়ে জানিবলৈ দিয়া মতে অভিযুক্তসকল দক্ষিণ আফ্ৰিকাৰ বাসিন্দা নহয়। আনকি আৰক্ষীৰ প্ৰাথমিক ধাৰণা দুৰ্বৃত্তসকল অবৈধ খননৰ সৈতে জড়িত আৰু দেশৰ বাহিৰৰ পৰা আহিছে।
দক্ষিণ আফ্ৰিকাৰ ৰাষ্ট্ৰপতি চিৰিল ৰামাফোছাই অপৰাধীসকলক দ্ৰুত গ্ৰেপ্তাৰ আৰু কঠোৰৰ শাস্তিৰ পোষকতা কৰিছে।