Eknath Shinde-Devendra Fadnavis: মহাৰাষ্ট্ৰৰ মুখ্যমন্ত্ৰী হিচাপে একনাথ সিন্দেৰ শপত গ্ৰহণ; উপ মুখ্যমন্ত্ৰী হ’ল দেৱেন্দ্ৰ ফাড়নৱিছ
Eknath Shinde-Devendra Fadnavis মহাৰাষ্ট্ৰৰ মুখ্যমন্ত্ৰী হিচাপে শপত গ্ৰহণ কৰিলে একনাথ সিন্দে। আনহাতে, উপ মুখ্যমন্ত্ৰী হিচাপে শপত গ্ৰহণ কৰিলে দেৱেন্দ্ৰ ফাড়নৱিছে। এক টুইটযোগে গৃহমন্ত্ৰী অমিত শ্বাহে কয় যে বিজেপিৰ সৰ্বভাৰতীয় সভাপতি জে পি নাড্ডাৰ অনুৰোধত ফাড়নৱিছে মন্ত্ৰীসভাৰ সদস্য হ’বলৈ সন্মত হৈছে। তেওঁ মহাৰাষ্ট্ৰৰ জনসাধাৰণৰ সেৱা কৰিব।
বৃহস্পতিবাৰে আবেলি এক সংবাদমেলত ফাড়নৱিছে কৈছিল যে তেওঁ মন্ত্ৰীসভাৰ পৰা আঁতৰি থাকিব। তেওঁ মন্ত্ৰীসভাৰ সদস্য নহয়।
এখন সংবাদমেলত মহাৰাষ্ট্ৰৰ প্ৰাক্তন মুখ্যমন্ত্ৰী ফাড়নৱিছে কয়, “মুখ্যমন্ত্ৰীৰ শপত গ্ৰহণৰ পিছত কেবিনেটৰ সিদ্ধান্ত লোৱা হ’ব। শিৱসেনা আৰু বিজেপি নেতাসকলে শপত ল’ব। মই চৰকাৰৰ পৰা আঁতৰি থাকিম।‘’
भाजपा अध्यक्ष श्री @JPNadda जी के कहने पर श्री @Dev_Fadnavis जी ने बड़ा मन दिखाते हुए महाराष्ट्र राज्य और जनता के हित में सरकार में शामिल होने का निर्णय लिया है।
यह निर्णय महाराष्ट्र के प्रति उनकी सच्ची निष्ठा व सेवाभाव का परिचायक है। इसके लिए मैं उन्होंने हृदय से बधाई देता हूँ।
— Amit Shah (@AmitShah) June 30, 2022
জানিব পৰা গৈছে যে জে পি নাড্ডাই তাৰপিছত ফাড়নৱিছক ফোন কৰিছিল আৰু তেওঁক অনুৰোধ কৰিছিল। তেওঁ ফাড়নৱিছক মন্ত্ৰীসভাৰ সদস্য হ’বলৈ কৈছিল। অমিত শ্বাহে কয় যে তাৰ পিছতে ফাড়নৱিছে তেওঁৰ মন সলনি কৰে।
भाजपा ने महाराष्ट्र की जनता की भलाई के लिए बड़े मन का परिचय देते हुए एकनाथ शिंदे जी का समर्थन करने का निर्णय किया। श्री देवेन्द्र फडणवीस जी ने भी बड़े मन दिखाते हुए मंत्रिमंडल में शामिल होने का निर्णय किया है, जो महाराष्ट्र की जनता के प्रति उनके लगाव को दर्शाता है।
— Jagat Prakash Nadda (@JPNadda) June 30, 2022
দিনৰ সংবাদমেলত বিদায়ী মুখ্যমন্ত্ৰী উদ্ধৱ ঠাকৰেক লক্ষ্য কৰি দেৱেন্দ্ৰ ফাড়নৱিছে কৈছিল, “বিজেপি হৈছে মহাৰাষ্ট্ৰৰ সৰ্ববৃহৎ দল। বিজেপি-শিৱসেনাই চৰকাৰ গঠন কৰিছিল। কিন্তু উদ্ধৱ ঠাকৰেই আন এটা সিদ্ধান্ত লৈছিল। জনসাধাৰণৰ ৰায়ক অপমান কৰা হৈছে। কংগ্ৰেছে এই দায়ৰ পৰা সাৰি যাব নোৱাৰে। শিৱসেনাৰ শাসনত কোনো উন্নয়ন হোৱা নাই।”