ৰাজেন গোহাঁইৰ ৰে’ল বিভাগত পুনৰ অঘটন। বিভিন্ন সময়ত ৰে’লত হত্যা, ধৰ্ষণৰ পৰা ধৰি লুটপাতলৈকে হৈ থকাৰ সময়ত এইবাৰ গুৱাহাটী শিলচৰ ৰে’লত সংঘটিত হয় লুটপাতৰ ঘটনা।
প্ৰাপ্ত তথ্য মতে ছেকেন্দ্ৰাবাদৰ পৰা কৰিমগঞ্জলৈ বুলি বিজু সিংহাৰ পৰিয়ালৰ শিশুসহ চাৰিজন সদস্যই যাত্ৰা কৰা পথতে গুৱাহাটী ষ্টেইশ্যনৰ পৰা উঠা এজন যুৱকৰ সৈতে পৰিয়ালটোৰ চিনাকী হৈছিল।
যাত্ৰা পথতে যুৱকজনে পৰিয়ালটোৰ সৈতে চিনাকী হোৱাত পৰিয়ালৰ সদস্যকেইজনক খুৱাইছিল শীতল পানীয়।
ফলত যুৱকজনে দিয়া শীতল পানীয় খাই অচেতন হৈ পৰিছিল পৰিয়ালটোৰ আটাইকেইজন সদস্য।
সেইমতে একেলগে যাত্ৰা কৰাৰ পথত যুৱকজনে পৰিয়ালৰ সদস্য কেইজনক খুৱাইছিল শীতল পানীয়। যুৱকজনে দিয়া পানীয় খাই অচেতন হৈ পৰিছিল আটাইকেইজন সদস্য।
অচেতন হোৱাৰ লগে লগে দুৰ্বৃত্তই পৰিয়ালটোৰ সকলো সামগ্ৰী লুটি নিয়ে। আনহাতে বিজু সিংহাৰ জ্যেষ্ঠ পুত্ৰই চিঞৰ-বাখৰ কৰাত দুৰ্বৃত্তই ৰে’লৰ চেইন টানি পলাই যাবলৈ সক্ষম হয়।
পিছত ৰে’লৰ আন আন যাত্ৰী সকলে ৰে’লৱে আৰক্ষীক খবৰ দিয়াত ৰে’লৱে আৰক্ষীয়ে অচেতন অৱস্থাত থকা আটাইকেইজনকে উদ্ধাৰ কৰি লামডিং ৰে’ল চিকিৎসালয়ত ভৰ্তি কৰে।
