আঘোণৰ নিঁয়ৰ সিক্ত সোণোৱালী পথাৰত,প্ৰখৰ ৰ’দকো নেওচি সোণগুটি চপোৱাত সীমাহীন ব্যস্ততা বানপীড়িত মৰিগঞা কৃষকৰ।
সোণগুটি ধাননী পথাৰত এতিয়া মাথো দাৱনীৰ কাঁচিৰ খছ-খছ শব্দ। ধানৰ ন’ৰাত বহি বিয়নীমেল পাতি কলপাতত চকলা-চকল ৰবাৱ টেঙাৰ সোৱাদ ,মুখত পছা তামোলৰ শেলেঙীৰে বৰতৰ এফাঁকি গীত জুৰি দাৱনীসকল যেন সীমাহীন আনন্দত মতলীয়া ।
সকলো দুখ ভাগৰ একাশৰীয়া কৰি জাক-জাক মুনিহ তিৰোতাই এতিয়া পুৱাৰ পৰা দুপৰলৈ ব্যস্ত হৈ পৰিছে সোণগুটি চপোৱাত । উল্লেখ্য বানে প্ৰতি বছৰে মৰিগাঁওৰ খেতিয়কৰ সপোন থান-বান কৰি আহিছে।
শেহতীয়া বানৰ ফলত মৰিগাঁওৰ বহু কৃষক ব্যাপক ক্ষতিৰ সন্মুখীন হৈছে।
