টল গে’টত সহজেই দিব পাৰিব পইচা, নতুন উপায় মোদী চৰকাৰৰ

নৰেন্দ্ৰ মোদী চৰকাৰে ভাৰতৰ টল গে’টসমূহত মাচুল লোৱাটো সহজ কৰি তোলাৰ বাবে নতুন সুবিধা আগবঢ়াইছে।

বাহনচালকসকলে মাচুল দিয়াতো সহজ কৰি তোলাৰ বাবে কেন্দ্ৰীয় পথ পৰিবহণ আৰু ঘাইপথ মন্ত্ৰ্যালয়ে এন এইচ এ আইৰ সৈতে মিলি এই নতুন সুবিধা আগবঢ়াইছে।

১ ডিচেম্বৰৰ পৰা কাৰ্য্যকৰী হ’ব লগা এই ব্যৱস্থা সক্ৰিয় নকৰা লোকে দুগুণ টল ভৰিব লাগিব।

অসমত এতিয়াও টল গে’টসমূহ সক্ৰিয় নুঠা বাবে সদ্যহতে ৰাজ্যত এই ব্যৱস্থা প্ৰয়োগ নহয় যদিও ভৱিষ্যতে হয়তো ইয়াৰ প্ৰয়োগ হ’ব।

এই ব্যৱস্থা হৈছে FASTag। ইয়াৰ জৰিয়তে টল গে’টত নোৰোৱাকৈ মাচুল আদায় দিব পৰা যাব।

এই বৈপ্লৱিক পদক্ষেপত ৰেডিঅ’ ফ্ৰিকুৱেন্সি আইডেণ্টিফিকেচন প্ৰযুক্তি ব্যৱহাৰ কৰা হৈছে।

FASTagটো সক্ৰিয় হোৱাৰ পিছতে বাহনৰ আইনাত তাক লগাই দিয়া হ’ব।

বাহনখন টল গে’টেদি পাৰ হৈ গ’লে FASTagৰসৈতে সম্পৰ্কিত আপোনাৰ বেংকৰপৰা ধন নিমিষতে ওলাই যাব আৰু আপুনি ৰোৱাৰ প্ৰয়োজন নহ’ব।

অনলাইন আৰু অফলাইনযোগে এই FASTag উপলব্ধ হ’ব।

FASTag ব্ৰেণ্ড নামটো Indian Highways Management Company Limited (IHMCL)ৰ মালিকানাধীন।