নাৰী দিৱস উপলক্ষ্যে ব্যৱহাৰকাৰীক বিশেষ সুবিধা দিবলৈ গৈ বিপদত পৰিছে জনপ্ৰিয় ই-কমাৰ্চ এপ ফ্লিপকাৰ্ট।
নাৰী দিৱসত বিপণন কৌশলেৰে পাকঘৰৰ সঁজুলিৰ প্ৰচাৰ কৰাৰ পিছত ফ্লিপকাৰ্টৰ বিৰুদ্ধে লিংগ বৈষম্যৰ অভিযোগ উত্থাপন হয়।
মঙ্গলবাৰে পালন কৰা আন্তৰ্জাতিক নাৰী দিৱস উপলক্ষে ফ্লিপকাৰ্টে ব্যৱহাৰকাৰী সকললৈ এটা বাৰ্তা প্ৰেৰণ কৰিছিল।
বাৰ্তাটোত ফ্লিপকাৰ্টে উল্লেখ কৰিছিল, “প্ৰিয় গ্ৰাহকসকল, এই মহিলা দিৱস উদযাপন কৰোঁ আহক। ২৯৯ টকাৰ পৰা পাকঘৰৰ সঁজুলি প্ৰাপ্ত কৰক।”
Can you spot the problem here? pic.twitter.com/MVWA8so9p7
— Raj S || রাজ শেখর (@DiscourseDancer) March 8, 2022
ফ্লিপকাৰ্টৰ এই বাৰ্তাটো লাভ কৰাৰ পিছত সামাজিক মাধ্যমত বহু ব্যৱহাৰকাৰীয়ে এই বাৰ্তাটোক লিংগ বৈষম্যৰ সমৰ্থক হিচাপে চিহ্নিত কৰে।
It’s offensive
Why women are being identified with kitchen appliance..only ??
Whole world is ours & certainly kitchen is not our whole world!!
No thanks!!— Harmeet Kaur (@iamharmeetK) March 8, 2022
বাৰ্তাটোৰ যোগেদি মহিলা সকলক কেৱল পাকঘৰকেন্দ্ৰিক কৰি তোলা হৈছে বুলি সামাজিক মাধ্যম ব্যৱহাৰকাৰী সকলে অভিযোগ কৰে।
Celebrating Women’s Day by promoting, perpetuating and celebrating gender roles. If irony had a definition this should be it
— VJ (@VJ290481) March 8, 2022
ফ্লিপকাৰ্টৰ এই বিপণন কৌশলে মহিলাসকলক কেৱল ৰন্ধন আৰু পাকঘৰতে সীমাবদ্ধ কৰি লিংগ বৈষম্যক উচতনি যোগোৱা বুলি সমালোচনা কৰে বিভিন্নজনে।
নাৰী দিৱস কেন্দ্ৰিক এই বাৰ্তাটোৰ বিৰুদ্ধে তীব্ৰ প্ৰতিক্ৰিয়া সৃষ্টি হোৱাৰ পিছত ফ্লিপকাৰ্টে এটা টুইট যোগে ক্ষমা বিচাৰে। কোম্পানীটোৱে টুইটাৰত লিখিছে, “আমি ভুল কৰিছিলো আৰু আমি দুঃখিত।”
“আমি কাৰো অনুভূতিক আঘাত কৰিব বিচৰা নাছিলো আৰু পূৰ্বে শ্বেয়াৰ কৰা নাৰী দিৱসৰ বাৰ্তাৰ বাবে ক্ষমা বিচাৰিছো।”— টুইটটোত লগতে যোগ দিয়া হৈছে।
We messed up and we are sorry.
We did not intend to hurt anyone’s sentiments and apologise for the Women’s Day message shared earlier. pic.twitter.com/Gji4WAumQG— Flipkart (@Flipkart) March 8, 2022
অৱশ্যে কেৱল ফ্লিপকাৰ্টেই নহয়, সামাজিক মাধ্যমত বিভিন্নজনে আন বহু বাণিজ্যিক কোম্পানী তথা এপৰ এনে পৰম্পৰাগত নেতিবাচক লিংগভিত্তিক ধ্যান-ধাৰণাক উদগনি যোগোৱা বাৰ্তাক সমালোচনাৰ লক্ষ্য কৰি লয়।