Assam flood বঙাইগাঁও জিলাৰ ৮৬ খন গাঁৱৰ ৭৭,৭৭০ গৰাকী লোক বানৰ কবলত

বিগত কেইবাদিন ধৰি হৈ থকা নেৰানেপেৰা ধাৰাষাৰ বৰষুণৰ ফলস্বৰূপে বঙাইগাঁও জিলাৰ আই, মানাহ আদি নদীৰ জলপৃষ্ঠ বৃদ্ধি পাইছে। তাৰ ফলস্বৰূপে জিলাখনৰ বঙাইগাঁও ৰাজহ চক্ৰ, ডাংতল আৰু মাণিকপুৰ ৰাজহ চক্ৰৰ অধীনৰ ৮৬খন গাঁও বানাক্ৰান্ত হৈছে।

বঙাইগাঁও ৰাজহ চক্ৰৰ বঙাইগাঁও চহৰৰ ৮ ম খণ্ড, খাৰিজা দোলাইগাঁও প্ৰথম আৰু দ্বিতীয় খণ্ড, ডাংতল ৰাজহ চক্ৰৰ বিদ্যাপুৰ, ছিকিবিকি,দুৰ্গামাৰী আৰু হলাগুৰি গাঁওকেইখন প্লাৱিত হৈছে।আনহাতে মাণিকপুৰ ৰাজহ চক্ৰৰ আবাদী, আউলাগুৰি, বৰবিলা, বৰিপাৰা, বাওবাৰী, বেচিমাৰী, ভাটিপাৰা, বৰবাখৰা, বৰধূপ, চৌৰাগুৰি, ডাউকিঝাৰ, দেওটাৰী আলুখুন্দা, ডোমপাৰা, দনকিনামাৰী, গাৰোলেটী, গৰাইমাৰী, গোসাইগাঁও, হপাচাৰা, ঝাওবাৰী, কাহীবাৰী, কুৰ্চামাৰী, কুছলাইগুৰি, লুংঝাৰ ,মাণিকপুৰ, মোনাকছা, মৌখোৱা, ১ নং নগৰঝাৰ , ১ নং গাৰুগাঁও, ২ নং জাৰাগুৰি, ২ নং নাচোনকুৰি, ৩ নং জাৰাগুৰি, ৩ নং ছালাবিলা, ১ নং বাশবাৰী, ১ নং ভাণ্ডাৰা,১ নং চক্ৰশিলা,১ নং ধুপুৰী, ১ নং জামদহা,১ নং পালেংবাৰী, ১ নং পাতকাটা, ১ নং ছালাবিলা,২ নং বাশবাৰী,২ নং ভাণ্ডাৰা,২ নং বৃদ্ধবাশী, ২ নং ধুপুৰী, ২ নং জামদহা, ২ নং কাৱাদী(সোনাইখোলা),২ নং নোৱাপাৰা, ২ নং পালেংবাৰী, ২ নং পাতকাটা,২ নং ছালাবিলা, ২ নং সুপাৰিগুৰি, ৩ নং বাশবাৰী, ৩ নং ভাণ্ডাৰা, ৩ নং গাৰুগাঁও, ৩ নং জামদহা, ৩ নং নাচোনকুৰি, ৩ নং পাতকাটা, ৪ নং বাশবাৰী, ৪ নং ভাণ্ডাৰা, ৪ নং জামদহা, ৫ নং বাশবাৰী, ৫ নং ভাণ্ডাৰা, ৫ নং জামদহা, ৬ নং বাশবাৰী, ৬ নং ভাণ্ডাৰা, ৬ নং জামদহা, ৭ নং বাশবাৰী, ১ নং নোৱাপাৰা, নোৱাগাঁও, ওদলাগুৰি, পতিলাদহা, শালমাৰা, শিলঘাগিৰি, টকাবাৰী আৰু উজানডুবিকে ধৰি ৭৯খন গাঁও বানৰ কবলত পৰিছে।

তিনিওটা ৰাজহ চক্ৰ মিলি সৰ্বমুঠ ৮৬ খন গাঁও প্লাৱিত হৈছে আৰু এই ৰাজহ চক্ৰ তিনিটাৰ মুঠ ৭৭,৭৭০গৰাকী লোক বানৰ কৱলত পৰিছে। আনহাতে ১,২০১.০০হেক্টৰ খেতিপথাৰ প্লাবিত হৈছে। বানাক্ৰান্ত লোকৰ বাবে বঙাইগাঁও ৰাজহ চক্ৰত নেতাজী বিদ্যা নিকেতন, ডাংতলৰ বিদ্যাপুৰ উচ্চতৰ মাধ্যমিক বিদ্যালয় , মেল্লনপুৰি এল পি স্কুল , ৪৭১ ছিকিবিকি এল পি স্কুল, হলাগুৰি এল পি স্কুল আৰু মাণিকপুৰ ৰাজহ চক্ৰৰ নগৰঝাৰত এটাকৈ অস্থায়ী শিবিৰকে ধৰি মুঠ ৬ টা আশ্ৰয় শিবিৰ স্থাপন কৰা হৈছে। এই ছটা আশ্ৰয় শিবিৰত মুঠ ১,১৪৮ গৰাকী লোকে আশ্ৰয় লৈ আছে।

তাৰে ভিতৰত ২৩৫ টি শিশু আৰু ২ গৰাকী গৰ্ভৱতী আৰু মাতৃদুগ্ধ পান কৰি থকা শিশুৰ মাতৃও আছে। বানাক্ৰান্ত ১৪০গৰাকী লোকক অগ্নি নিৰ্বাপক আৰু আপাতকালীন সেৱা বিভাগৰ লোক তথা স্থানীয় লোকে ৩ খন নাও ব্যৱহাৰ কৰি উদ্ধাৰ কৰিছে আৰু বানাক্ৰান্ত লোকৰ বাবে এটা চিকিৎসা সেৱা দল নিয়োগ কৰা হৈছে।