ৰাজ্যত অব্যাহত আছে বালিৰ চিণ্ডিকেটৰাজ আৰু এইবাৰ চিণ্ডিকেটৰ বাবেই বানত বুৰ গ’ল গোৱালপাৰা জিলাৰ এক বিস্তীৰ্ণ অঞ্চল।
অবৈধভাৱে বালি মাফিয়াই খৰালি মথাউৰি কাটি খাস্তাং কৰাৰ ফলত এতিয়া হাহাকাৰ অৱস্থাৰ সৃষ্টি হৈছে।
ইপিনে, এইক্ষেত্ৰত প্ৰশাসন নীৰৱ,নিৰ্বিকাৰ ভূমিকা প্ৰদৰ্শন কৰা দেখা গৈছে।
গোৱালপাৰা জিলাৰ কৃষ্ণাইৰ চৰ্দাৰপাৰত খৰালি সময়তে বালি ব্যৱসায়ীয়ে কাটি থোৱা মথাউৰিৰে প্লাবিত হৈ পৰিছে কৃষ্ণাইৰ বহু অঞ্চল।
যোৱা দুদিন ধৰি হৈ থকা ধাৰাসাৰ বৰষুণত এইবাৰ ডুবিল কৃষ্ণাই চৰ্দাৰপাৰা।
খৰালি স্থানীয় বালি ব্যৱসায়ী কেইজনমানে মথাউৰি কাটি কৃষ্ণাই নৈৰ বালি কঢ়িয়াই নিয়াৰ বাবে মথাউৰি ভঙা অংশৰে পানী সোমাই গাঁৱখনত বহুত ক্ষতি সাধন কৰে ৷
বহু লোকৰ ঘৰ-দুৱাৰ ভাঙি যোৱাৰ লগতে পোহনীয়া জীৱ-জন্তুৰো ক্ষতি হয়।
ঘটনাৰ বিষয়ে ইতিমধ্যে স্থানীয় লোকে কৃষ্ণাই আৰক্ষীক অৱগত কৰিছে।
আৰক্ষীয়ে এই ঘটনাৰ বিষয়ে তদন্ত আৰম্ভ কৰিছে বুলি জানিব পৰা গৈছে।
