প্ৰধানমন্ত্ৰীৰ জন্মদিনত শুভেচ্ছাৰ বন্যা! ৰাহুল গান্ধীয়েও জনালে শুভকামনা

আজি বিশ্বকৰ্মা পূজা লগতে প্ৰধানমন্ত্ৰী নৰেন্দ্ৰ মোদীৰ জন্মদিন। মঙলবাৰে প্ৰবীণ ৰাজনীতিবিদগৰাকীৰ ৭৪ সংখ্যক জন্মদিন। গোটেই বছৰটো মোডীৰ সৈতে সম্পর্ক তিক্ত হৈ পৰা দেশৰ নেতাসকলেও বিশ্বৰ অন্যতম জনপ্ৰিয় নেতাজনক অভিনন্দন জ্ঞাপন কৰে৷ বৰ্তমান লোকসভাৰ বিৰোধী দলপতি ৰাহুল গান্ধীয়ে আমেৰিকা ভ্ৰমণৰ সময়ত কৰা কেইবাটাও মন্তব্যক লৈ শাসক বিৰোধীৰ বিতৰ্ক চলি আছে। তথাপিও কংগ্ৰেছ নেতাগৰাকীয়ে প্ৰধানমন্ত্ৰীক জন্মদিনৰ শুভেচ্ছা জনাবলৈ নাপাহৰিলে।

মঙলবাৰে ৰাহুলে নিজৰ এক্স হেণ্ডেলত লিখিছে, ‘প্ৰধানমন্ত্ৰী নৰেন্দ্ৰ মোদীক জন্মদিনৰ শুভেচ্ছা জনালোঁ। দীৰ্ঘ আৰু সুস্থ জীৱন কামনা কৰিলোঁ।” তৃণমূলৰ সাংসদ অভিষেক বেনাৰ্জীয়েও আজিৰ দিনটোত মোদীক অভিনন্দন জনায়। মন কৰিবলগীয়া যে তৃণমূল-বিজেপিৰ ৰাজনৈতিক প্ৰতিদ্বন্দ্বিতা সমগ্ৰ দেশৰেই পৰিচিত। ১০০ দিনৰ কামৰ পৰা আৰম্ভ কৰি বিভিন্ন বিষয়ত মোদীক অহৰহ টাৰ্গেট কৰি আহিছে অভিষেকে। তেওঁ এই দিনটোত ৰাজনৈতিক সৌজন্যতাৰ চিন ৰাখিলে। নিজৰ এক্স হেণ্ডেলত তৃণমূলৰ সাংসদগৰাকীয়ে লিখিছে- মাননীয় প্ৰধানমন্ত্ৰী নৰেন্দ্ৰ মোদী ডাঙৰীয়ালৈ জন্মদিনৰ শুভেচ্ছা জনালোঁ। সুস্বাস্থ্য আৰু সুখৰ কামনা কৰিলোঁ।”

কংগ্ৰেছৰ সভাপতি মল্লিকাৰ্জুন খাৰ্গে, আপ প্ৰধান অৰবিন্দ কেজৰিৱাল, তামিলনাডুৰ মুখ্যমন্ত্ৰী এম কে ষ্টেলিনে মোদীক অভিনন্দন জনায়। ইয়াৰ উপৰিও বিজেপিৰ সৰ্বভাৰতীয় সভাপতি জে পি নাড্ডা, প্ৰতিৰক্ষা মন্ত্ৰী ৰাজনাথ সিং বা গুজৰাটৰ মুখ্যমন্ত্ৰী ভূপেন্দ্ৰ পেটেলে প্ৰধানমন্ত্ৰীক জন্মদিনৰ শুভেচ্ছা জনায়।