প্ৰথা অনুসৰি প্ৰথমে বিবাহ। ইয়াৰ পাছত ফুলশয্যা আৰু হানিমুনৰ গোপন ভিডিঅ’ ৰেকৰ্ডিং কৰি ‘পত্নী’ক ব্লেকমেইল। ওড়িশাৰ ভুৱনেশ্বৰৰ এজন যুৱকে বছৰ বছৰ ধৰি টকা উপাৰ্জনৰ এই ব্যৱসায় চলাই আহিছিল। এইদৰে ১৫ গৰাকী মহিলা বিবাহৰ জালত পৰিল আৰু অৱশেষত ‘দৰা’ আৰক্ষীৰ জালত ধৰা পৰিল।
জানিব পৰা মতে অভিযুক্তই মূলতঃ ছ’চিয়েল মিডিয়া আৰু মেট্ৰিম’নিয়েল চাইট চাই আদবয়সীয়া আৰু বিবাহ বিচ্ছেদ হোৱা মহিলাক লক্ষ্য কৰি লৈছিল। ইয়াৰ পাছত যুৱকজনে নিয়ম মানি চলি বিবাহ আৰু যৌন সম্পৰ্কত লিপ্ত হৈছিল। সেই সকলোবোৰ ভিডিঅ’ অভিযুক্তই ৰেকৰ্ডিং কৰিছিল। ইয়াৰ পাছত সেই ভিডিঅ’ ব্যৱহাৰ কৰি মহিলাসকলৰ পৰা ধন সংগ্ৰহ কৰিছিল। শেহতীয়াকৈ অভিযুক্ত যুৱকজনৰ বিৰুদ্ধে এগৰাকী মহিলাই নিৰ্যাতনৰ অভিযোগ উত্থাপন কৰি আৰক্ষীৰ কাষ চাপিছিল। ইয়াৰ পিছত যুৱকজনৰ কৃতিত্ব এটা এটাকৈ পোহৰলৈ আহিল।
আৰক্ষীৰ মতে, কিছুদিন পূৰ্বে এগৰাকী মহিলাই তেওঁলোকৰ ওচৰলৈ আহি যুৱকজনৰ বিৰুদ্ধে অভিযোগ উত্থাপন কৰিছিল। বিবাহ বিচ্ছেদ হোৱা মহিলাগৰাকীয়ে বিচ্ছেদৰ পাছত দ্বিতীয় বিবাহৰ পৰিকল্পনা কৰা বুলি দাবী কৰে। সেই সময়ত তেওঁ যুৱকজনক ছ’চিয়েল মিডিয়াত লগ পাইছিল। তেওঁ মহিলাগৰাকীৰ ওচৰত নিজকে চৰকাৰী বিষয়া বুলি দাবী কৰে। ইয়াৰ পাছত তেওঁলোকে যোগাযোগ কৰি ফোনত বিয়া পাতিলে। অৱশ্যে কিছুদিন পাছতে অভিযুক্তই অত্যাচাৰ কৰিবলৈ আৰম্ভ কৰে। এনে পৰিস্থিতিত যদি মহিলাগৰাকীয়ে পিতৃৰ ঘৰৰ পৰা ওলাই যায় তেন্তে ভিডিঅ’ ফাদিল কৰাৰ ভাবুকি দি ধন দাবী কৰা হয়।
ভুক্তভোগীৰ অভিযোগৰ ভিত্তিত আৰক্ষীয়ে যুৱকজনৰ বিৰুদ্ধে তদন্ত আৰম্ভ কৰে। অভিযুক্তক গ্ৰেপ্তাৰ কৰা হয়। ইয়াৰ পাছত যুৱকজনৰ কৃতিত্ব পোহৰলৈ আহিল। জনা যায় যে এই যুৱকে ১৫ গৰাকী মহিলাক বিয়া কৰাইছিল। আৰু ফুলশয্যাৰ ভিডিঅ’ ফাদিল কৰাৰ ভাবুকি দি একেদৰেই সকলোৰে পৰা ধন আদায় কৰিছিল।
