পুনৰ ব্ৰহ্মপুত্ৰৰ আবতৰীয়া বানে যোৰহাট জিলাৰ টীয়ক ৰাজহ চক্ৰৰ অধীনৰ জাঁজীমুখত সৃষ্টি কৰিছে অৱৰ্ণনীয় অৱস্থা।
আজি বিয়লিৰ পৰা নৈ কাষৰীয়া অঞ্চলত পানী দ্ৰুত হাৰত বঢ়া দেখা গৈছে l
বাঢ়নী পানীয়ে জাঁজীমুখৰ জপংগাওঁ, মিলি গাঁও,বৰ মঠাউৰি আদিকে ধৰি প্ৰায় ২০/৩০খন গাঁও বুৰাই পেলাইছে।
ফলত এক দুৰ্বিসহ জীৱন কটাব লগা হৈছে অঞ্চলবাসীয়ে।
নৈপৰীয়া এই অঞ্চলটোৰ বহু গাঁও পানীৰ তলত আৰু লাহে লাহে যোগাযোগ বিচ্ছিন্ন হৈ আহিছে বহিঃজগতৰে৷
অঞ্চলটোৰ নিৰাপদ স্থানলৈ পশুধন সমূহক লৈ ঢাপলি মেলিছে পশুপালক সকলে৷
বৃহত্তৰ অঞ্চলটোৰ বিদ্যালয়, নামঘৰকে আদি কৰি বিভিন্ন সামাজিক অনুষ্ঠান বৰ্তমান পানীৰ তলত আছে বুলি জানিব পৰা গৈছে৷
এনেদৰে পানী বাঢ়ি থাকিলে পৰিস্থিতি যে অনাগত কেইঘন্টামানতে আৰু অধিক ভয়াৱহ হ’ব সেয়া নিশ্চিত ৷
