বোকাখাতত চোৰাং কাঠ ভৰ্তি ট্ৰাক জব্দ
বোকাখাতৰ আৰক্ষীয়ে বৃহস্পতিবাৰে নিশা চলোৱা এক বিশেষ তালাচীত এখন কাঠ ভৰ্তি ট্ৰাক জব্দ কৰিবলৈ সক্ষম হয়।
তিনিচুকীয়াৰ পৰা ৰঙিয়ালৈ বুলি কাঠ লৈ অহা পি বি ০৮ বি ডাব্লিউ ৮৪১১ নম্বৰ ট্ৰাকখন নিশা বোকাখাত আৰক্ষী থানাৰ সন্মুখতে ভাৰপ্ৰাপ্ত আৰক্ষী বিষয়া দিব্যজ্যোতি দত্তৰ নেতৃত্ব অভিযানকাৰী দলে জব্দ কৰে।
পাছত বোকাখাত আৰক্ষীয়ে কাঠ ভৰ্তি ট্ৰাকখন পূব অসম বন্যপ্ৰাণী সংমণ্ডলৰ বোকাখাত ৰেঞ্জৰ হাতত অৰ্পণ কৰে।
জানিব পৰা মতে জব্দ কৰা ট্ৰাকখন তিনিচুকীয়াৰ জনৈক মানৱ প্ৰতিম বৰশইকীয়াৰ বুলি জানিব পৰা গৈছে ৷ ট্ৰাকখনত বি ক্লাছ আৰু কেইবা লক্ষাধিক কাঠ থকা বুলি আৰক্ষী সূত্ৰে জানিব পৰা গৈছে।