অষ্ট্ৰেলিয়াৰ প্ৰাক্তন ক্ৰিকেট তাৰকা ষ্টুৱাৰ্ট মেকগিলক অপহৰণ কৰাৰ অভিযোগত বুধবাৰে ৪জন লোকক আটক কৰা হৈছে।
যোৱা ১৪ এপ্ৰিলত মেকগিলক তেওঁৰ ছিডনিস্থিত বাসভৱনৰ কাষৰ পৰা অচিনাক্ত দুৰ্বৃত্তকেইজনে অপহৰণ কৰি এঘণ্টাৰ পাছতে মুকলি কৰি দিয়ে।
অপহৰণ কৰাৰ পাছত তেওঁক চহৰখনৰ আন এটা অংশলৈ লৈ যোৱা হয়।
তাত তেওঁক প্ৰচণ্ডভাৱে শাৰীৰিক অত্যাচাৰ কৰাৰ উপৰিও বন্দুক দেখুৱাই হত্যাৰ ভাবুকি দিয়ে।
বুধবাৰে দেশখনৰ সংবাদ মাধ্যমত এই বাতৰি প্ৰকাশ পাইছে।
আৰক্ষীৰ ভাষ্য অনুসৰি, ঘটনাৰ দিনা ছিডনিৰ উত্তৰাঞ্চলৰ এটা ৰাস্তাৰে মেকগিল আহি থাকোতে হঠাৎ এজন অচিনাক্ত লোকে তেওঁক আগুৰি ধৰে।
তাৰপাছত আৰু দুজন অচিনাক্ত লোক আহি মেকগিলক এখন গাড়ীত তুলি লৈ যায়।
ঘটনাটো ঘটিছিল ৰাতি ৮ বজাত।
আৰক্ষীক ২০ এপ্ৰিল তাৰিখে ঘটনাটো সম্পৰ্কে অৱগত কৰা হয়।
লগে লগে আৰক্ষীৰ অনুসন্ধাৰ চলে।
বুধবাৰে আটক কৰা অপহৰণকাৰীকেইজনৰ বয়স ক্ৰমে- ২৭, ২৯, ৪২ আৰু ৪৬।
আৰক্ষীয়ে প্ৰকাশ কৰা মতে, টকাৰ বাবেই লোককেইজনে এই অপহৰণকাণ্ডটো সংঘটিত কৰিছিল।
উল্লেখযোগ্য যে ৫০ বৰ্ষীয় প্ৰাক্তন ক্ৰিকেটাৰজন এসময়ত অষ্ট্ৰেলিয়ান ক্ৰিকেট দলৰ এজন নিৰ্ভৰযোগ্য লেগ স্পিনাৰ আছিল।
কিংম্বদন্তি লেগ স্পীনাৰ শ্বেন ৱাৰ্ণৰ সমসাময়িক মেকগিলে ১৯৮৮ চনৰ ২০০৮ চনলৈকে দেশখনৰ হৈ ৪৪খন টেষ্ট মেছত ২০৮টাকৈ উইকেট দখল কৰিছিল।
