ৱেষ্ট ইণ্ডিজৰ ক্ৰিকেটাৰগৰাকীৰ পুত্ৰই পেৰিছ অলিম্পিকত দুটাকৈ স্বৰ্ণ পদক লাভ কৰিছে। দুবছৰ পূৰ্বে শচীন তেণ্ডুলকাৰে তেওঁক সহায় কৰিছিল। সেই অলিম্পিয়ানজন হৈছে ৰাই বেঞ্জামিন। পেৰিছ অলিম্পিকত তেওঁ আমেৰিকা দলৰ এথলিট হিচাপে অংশগ্ৰহণ কৰিছিল।
ৰাই বেঞ্জামিন আচলতে ৱেষ্ট ইণ্ডিজৰ ক্ৰিকেটাৰ উইনষ্টন বেঞ্জামিনৰ পুত্ৰ। পেৰিছ অলিম্পিকত জুনিয়ৰ বেঞ্জামিনে দুটা স্বৰ্ণ পদকো লাভ কৰে। ইয়াৰে এটা ৪০০ মিটাৰ হাৰ্ডলছত। আন এটা, ৪x৪০০ মিটাৰ ৰিলেত। দুবছৰমান আগতে শচীন টেণ্ডুলকাৰে উইনষ্টনৰ অনুৰোধত তেওঁক সহায় কৰিছিল।
সেই সাহায্য হৈছে উইনষ্টনৰ ক্ৰিকেট একাডেমী। এন্টিগুৱাত উইনষ্টনে ক্ৰিকেট একাডেমী চলায়। সেই একাডেমী চলাবলৈ তেওঁক ক্ৰিকেটৰ লগত জড়িত কেইবাটাও বস্তুৰ প্ৰয়োজন হৈছিল। তাৰ বাবে উইনষ্টনে শচীনৰ শৰণাপন্ন হয়। উইনষ্টনে কৈছিল যে তেওঁ কোনো আৰ্থিক সহায় নিবিচাৰে।
বেঞ্জামিনে মাথোঁ অনুৰোধ কৰিলে যে শচীনে তেওঁৰ ক্ৰিকেট একাডেমীক ক্ৰিকেটৰ সামগ্ৰী উপহাৰ দিয়ক। শচীনে সেই অনুৰোধ নেপেলালে। ৱেষ্ট ইণ্ডিজৰ প্ৰাক্তন তাৰকাগৰাকীৰ অনুৰোধৰ পিছত তেওঁ তেওঁক ক্ৰিকেটৰ বিভিন্ন সামগ্ৰী উপহাৰ দিয়ে। কেৱল শচীনেই নহয়। ভাৰতৰ প্ৰাক্তন অধিনায়ক মহম্মদ আজহাৰুদ্দিনেও ৱেষ্ট ইণ্ডিজৰ ক্ৰিকেটাৰগৰাকীক সহায় কৰিছিল।
উইনষ্টন বেঞ্জামিনৰ সৈতে ভাৰতৰ সম্পৰ্ক আন্তঃৰাষ্ট্ৰীয় খেলত তেওঁৰ পদাৰ্পনৰ পৰাই আৰম্ভ হৈছে। ভাৰতৰ মাটিত আন্তঃৰাষ্ট্ৰীয় ক্ৰিকেটত অভিষেক ঘটায় উইনষ্টনে। ১৯৮৭ চনত দিল্লীৰ ফিৰোজ শ্বাহ কোটলাত ভাৰতৰ বিৰুদ্ধে টেষ্ট খেলৰ জৰিয়তে তেওঁ টেষ্ট ক্ৰিকেটৰ জগতত প্ৰৱেশ কৰে। উইনষ্টন বেঞ্জামিনৰ ১০৬খন এদিনীয়াত ১৬১টা উইকেট আছে। তাৰ ভিতৰত ভাৰতৰ বিৰুদ্ধেই তেওঁ নিজৰ শ্ৰেষ্ঠ খেলখনো খেলিছিল।
সেই উইনষ্টন বেঞ্জামিনৰ পুত্ৰই পেৰিছ অলিম্পিকৰ নায়ক হৈ পৰিছে। ৪০০ মিটাৰ হাৰ্ডলছত সোণৰ পদক লাভ কৰিছে। আমোদজনকভাৱে পেৰিছ অলিম্পিকত ৰাই বেঞ্জামিন ফেভাৰিট খেলুৱৈৰ তালিকাৰ ভিতৰত নাছিল। কিন্তু, তথাপিও তেওঁ সকলো বিশেষজ্ঞক আচৰিত কৰি সোণৰ পদক লাভ কৰিছিল।
লগতে পঢ়কঃ দেশৰ সকলো ব্ৰেণ্ডেড নিমখ আৰু চেনিতে আছে মাইক্ৰ’প্লাষ্টিক! গৱেষণাত উদ্বেগজনক তথ্য
বর্তমানৰ বিশ্ব চেম্পিয়নগৰাকীয়ে পেৰিছ অলিম্পিকতো তেওঁৰ সৈতে অংশ লৈছিল৷ কিন্তু, জুনিয়ৰ বেঞ্জামিনে তেওঁক পৰাস্ত কৰে। ৰাই বেঞ্জামিনে পৰাস্ত কৰা বিশ্ব চেম্পিয়নগৰাকী আছিল যোৱা অলিম্পিকৰ স্বৰ্ণ পদক বিজয়ী। ২০২৩ চনৰ বুডাপেষ্ট বিশ্ব চেম্পিয়নশ্বিপত স্বৰ্ণ পদক বিজয়ী। কিন্তু, জুনিয়ৰ বেঞ্জামিনে দৌৰি শেষ মুহূৰ্তত তেওঁক অতিক্ৰম কৰিলে।
