কোভিড-১৯ত আক্ৰান্ত হৈ ভাৰতীয় ৰাজহ সেৱাৰ বিষয়া নিৰঞ্জন কুলীৰ পৰলোকপ্ৰাপ্তি
ধেমাজিৰ প্ৰাক্তন বিধায়ক ৰমেশ মোহন কুলীৰ পুত্ৰ তথা ভাৰতীয় ৰাজহ সেৱাৰ বিষয়া নিৰঞ্জন কুলীৰ কোভিড-১৯ত আক্ৰান্ত হৈ পৰলোকপ্ৰাপ্তি ঘটিছে।
শুকুৰবাৰে দিল্লীৰ মেক্স হাস্পাতলত কুলীয়ে শেষ নিশ্বাস ত্যাগ কৰে।
তেওঁ ১৯৮৮ বৰ্ষৰ ভাৰতীয় ৰে’ল সেৱা (আই আৰ এছ)ৰ বিষয়া আছিল।
কুলীয়ে আয়কৰ বিভাগৰ প্ৰধান আয়ুক্ত হিচাপে কাৰ্যনিৰ্বাহ কৰি আছিল।
নিৰঞ্জন কুলী এগৰাকী পেইন্টাৰ হিচাপেও পৰিচিত আছিল আৰু তেওঁৰ পেইন্টিং ভাৰতৰ বিভিন্ন প্ৰদৰ্শনীত প্ৰদৰ্শিত হৈছিল।
তেওঁৰ পিতৃ ৰমেশ মোহন কুলী ধেমাজি বিধানসভা সমষ্টিৰ পৰা দুবাৰকৈ বিধায়ক নিৰ্বাচিত হৈছিল।
ৰমেশ মোহন কুলীয়ে ১৯৬৭ আৰু ১৯৭২চনত স্বতন্ত্ৰ পাৰ্টিৰ প্ৰাৰ্থী হিচাপে অসম বিধানসভালৈ নিৰ্বাচিত হৈছিল।
নিৰঞ্জন কুলীৰ অকাল মৃত্যুৰ বিষয়ে সদৰী কৰি চলচ্চিত্ৰ নিৰ্মাতা উৎপল বৰপূজাৰীয়ে শুকুৰবাৰে নিশা টুইট কৰি লিখিছে, ‘’আজি যেতিয়া দিল্লী মেক্স হাস্পাতালত কোভিড উত্তৰ সমস্যাৰ সৈতে যুঁজ দি শেষ নিশ্বাস ত্যাগ কৰে, যোৱা এপ্ৰিলৰ পৰা মৃত্যু হোৱা ববন্ধুসকলৰ নামৰ তালিকাত যান্ত্ৰিকভাৱে যেন আৰু এটা নাম যোগ হ’ল।‘’
‘’… তেওঁক প্ৰথমতে কলেজীয়া বান্ধৱী ৰীণা সোণোৱালৰ স্বামী হিচাপে লগ পাইছিলো, কিন্তু কেইবছৰমানৰ ছিনিয়ৰ হোৱা সত্তেও তেওঁ তেওঁৰ শান্ত ব্যক্তিত্ব… আৰু সুন্দৰ ৰসিকতাৰে এগৰাকী প্ৰিয় বন্ধু হৈ পৰিছিল।‘’
Today, when Niranjan Kouli fell to post-Covid complications after a grim battle in Max Hospital Delhi, just mechanically adding another friend's name to the list of all the departed since April. It's tough when you lose three friends… pic.twitter.com/QWk3KzXmj4
— উৎপল বৰপূজাৰী Utpal Borpujari (@UtpalBorpujari) May 28, 2021
‘’১৯৮৮ বৰ্ষৰ এগৰাকী আই আৰ এছ বিষয়া তেওঁ এগৰাকী পেইন্টাৰ হিচাপেও পৰিচিত আছিল আৰু গোটেই ভাৰতবৰ্ষতে প্ৰদৰ্শনীত তেওঁৰ পেইন্টিং প্ৰদৰ্শিত হৈছে। ৰীণা আৰু তেওঁৰ পৰিয়াললৈ গভীৰ সমবেদনা জনালো,’’-তেওঁ লগতে লিখিছে।