টীম ইণ্ডিয়াৰ প্ৰাক্তন অধিনায়ক মহেন্দ্ৰ সিং ধোনী কিছুদিন পূৰ্বে এখন নতুন ট্ৰেক্টৰ কিনিছিল। এতিয়া তেওঁ এই ট্ৰেক্টৰখনেৰে খেতিত ধৰা দেখিবলৈ পোৱা গৈছে।
ধোনীয়ে নিজৰ ট্ৰেক্টৰখন খেতিত চলাই আছে। খেলপথাৰত বলাৰৰ বাবে ত্ৰাস সৃষ্টি কৰা ধোনীয়ে এতিয়া নিজকে জৈৱিক খেতিৰ কামত ব্যস্ত ৰাখিছে।
মহেন্দ্ৰ সিং ধোনীৰ এই ভিডিঅ’ ছচিয়েল মিডিয়াত ভাইৰেল হৈ পৰিছে।
ইনষ্টাগ্ৰামত ‘ধোনী ভক্ত’ হিচাপে থকা এটা একাউন্টৰ পৰা এই ভিডিঅ’টো শ্বেয়াৰ কৰা হৈছে।
ভিডিঅ’টোৰ কেপশ্যনত লিখা আছে,’’মাহী ভাইৰ অৰ্গেনিক ফাৰ্মিং এনজয় কৰা কৰি থকা এক্সক্লুছিভ ভিডিঅ’।
কিছুদিন আগতে মহেন্দ্ৰ সিং ধোনীয়ে স্বৰাজ ৯৬৩ এফ ই ট্ৰেক্টৰ ক্ৰয় কৰিছিল। এই ট্ৰেক্টৰৰ দাম ৭.৯০ লাখৰ পৰা ৮.৪০লাখৰ ভিতৰত।
https://www.instagram.com/p/CB7iNIwpcog/?utm_source=ig_web_copy_link
ছচিয়েল মিডিয়াত ধোনীৰ এই ভিডিঅ’টোৱে ব্যাপক সঁহাৰি লাভ কৰিছে।
ধোনীয়ে নিজৰ ট্ৰেক্টৰখনেৰে খেতি কৰাৰ আনন্দ উপভোগ কৰি থকা দেখা গৈছে।
ধোনীৰ কেইবাখনো কাৰ তথা ছুপাৰবাইক আছে যিবোৰে তেওঁৰ ৰাঁচীৰ ফাৰ্ম হাউছত সৌন্দৰ্যবৰ্দ্ধন কৰিছে।
উল্লেখ্য যে ধোনীয়ে শেষবাৰৰ বাবে ২০১৯ত নিউজিলেণ্ডৰ বিৰুদ্ধে বিশ্বকাপৰ খেলত অংশ লৈছিল।
