ক’ৰ’না ভাইৰাছৰ সংক্ৰমণৰ বাবে ৪ এপ্ৰিলত অনুষ্ঠিত হ’বলগীয়া বি টি আৰ নিৰ্বাচন সাময়িকভাৱে স্থগিত ৰখাৰ পাছত বি টি এ ডিত ৰাজ্যপালৰ শাসন দাবী কৰিছে গণ সুৰক্ষা পাৰ্টিয়ে।
আগন্তুক ২৭ এপ্ৰিলত হাগ্ৰামা মহিলাৰীৰ শাসনভাৰৰ সময়সীমা উকলি যাব আৰু ২৭ এপ্ৰিলৰ পাছৰ পৰাই ৰাজ্যপালৰ শাসন দাবী কৰিছে গণ সুৰক্ষা পাৰ্টিয়ে।
গণ সুৰক্ষা পাৰ্টিৰ লগতে অবড়ো সুৰক্ষা মঞ্চৰ আৰু সাংসদ নৱ কুমাৰ শৰণীয়াই বি টি চিত ৰাজ্যপালৰ শাসন বিচাৰি প্ৰধান মন্ত্ৰী, কেন্দ্ৰীয় গৃহ মন্ত্ৰী, মুখ্য মন্ত্ৰী আৰু ৰাজ্যপালক স্মাৰক পত্ৰ প্ৰেৰণ কৰিছে বুলি নৰ্থ-ইষ্ট নাওক জনায় গণ সুৰক্ষা পাৰ্টিৰ সভাপতি ব্ৰজেন মহন্তই।
আনহাতে, ব্ৰজেন মহন্তই সাংসদ বিশ্বজ্যিৎ দৈমাৰীকো সমালোচনা কৰে।
বিশ্বজ্যিৎ দৈমাৰীয়ে সাংসদৰ মৰ্যাদা ৰক্ষা কৰিব পৰা নাই বুলি উল্লেখ কৰি দৈমাৰীয়ে অন্য এজন সাংসদক উদ্দেশ্য কৰি যিধৰণে আবোল-তাবোল বকে সেয়া গৰিহণাৰ পাত্ৰ বুলিও মহন্তই লগতে কয়।
‘‘তেওলোকে ষষ্ঠ অনুসূচীক দোহাই দি তেওলোকে বিটিচি পৰিষদকে বৃদ্ধি কৰাৰ কথা কৈছে কিন্তু ষষ্ঠ অনুসূচীত কোনো তেনে ধৰণৰ কথা নাই ‘’ ব্ৰজেন মহন্তই উল্লেখ কৰে।
তদুপৰি, ২৭ এপ্ৰিলৰ পিছত যদি ৰাজ্যপালৰ শাসন নিদি বিটিচি পৰিষদীয় চৰকাৰ খনৰ কাৰ্যকাল বৃদ্ধি কৰা হয় তেন্তে বিটিচি অঞ্চলৰ কোনো ৰাইজে এই কথা মানি ল’ব নোৱাৰে ।ইয়াৰ বিৰুদ্ধে ৰাইজে বিদ্ৰোহ ঘোষণা কৰিব বুলিও ব্ৰজেন মহন্তই মত প্ৰকাশ কৰে ।
লকডাউন ভংগ কৰি বি পি এফে গণ সমাবেশ পাতিছে বুলি অভিযোগ কৰে মহন্তয়।
