Gautam Adani: ২০২২ চনত উপাৰ্জন ৪.৭৯ লাখ কোটি! বিশ্বৰ তৃতীয় ধনী ব্যক্তি এতিয়া গৌতম আদানি

Gautam Adani মাত্ৰ কেইবছৰমান আগলৈকে ভাৰতৰ বাহিৰত বহুতে আদানিৰ নাম শুনিছিল নে নাই সন্দেহ আছে। কিন্তু কলেজো উত্তীৰ্ণ হ’ব নোৱাৰা সেই আদানি এতিয়া বিশ্বৰ তৃতীয় ধনী ব্যক্তি হৈ পৰিল। প্ৰথমবাৰৰ বাবে আদানিয়ে কোনো এছিয়াৰ ব্যক্তি হিচাপে আটাইতকৈ বিৰল এই অভিলেখ স্পৰ্শ কৰিলে।

বৰ্তমান বিশ্বৰ আটাইতকৈ ধনী ব্যক্তিৰ তালিকাত আদানিৰ আগত মাত্ৰ দুজন লোক আছে। এজন হৈছে এলন মাস্ক আৰু আনজন হৈছে জেফ বেজোছ।

লগতে পঢ়ক: ইৰাকী নেতাৰ ৰাজনীতি ত্যাগ: ৰাষ্ট্ৰপতিৰ প্ৰাসাদত প্ৰতিবাদকাৰী-সমৰ্থকৰ তাণ্ডৱ; দেশজুৰি জাৰি কাৰফিউ

ব্লুমবাৰ্গ বিলিয়নেয়াৰ ইণ্ডেক্স অনুসৰি ফ্ৰান্সৰ বাৰ্ণাৰ্ড আৰ্নাল্টক আদানিয়ে ১৩৭.৪ বিলিয়ন ডলাৰৰ মুঠ সম্পত্তিৰ সৈতে অতিক্ৰম কৰিছে।

বিগত কেইবছৰমানৰ পৰা আদানি গ্ৰুপে বিভিন্ন ক্ষেত্ৰত ইয়াৰ ব্যৱসায় সম্প্ৰসাৰিত কৰি আহিছে। তাৰ পৰিণতিতে আজি গৌতম আদানি বিশ্বৰ তৃতীয় ধনী ব্যক্তি।  ডাটা চেন্টাৰৰ পৰা চিমেণ্ট তথা মিডিয়ালৈকে সকলোতে আদানিয়ে বিনিয়োগ কৰিছে। বৰ্তমান আদানি গোষ্ঠী দেশৰ সৰ্ববৃহৎ ব্যক্তিগত খণ্ডৰ বন্দৰ আৰু বিমানবন্দৰৰো অপাৰেটৰ।

লগতে পঢ়ক: Fight in Flight: মধ্য আকাশতে কাজিয়াত লিপ্ত দুই পাইলট; অৱশেষত দুজনেই নিলম্বিত

এক প্ৰতিবেদনত কোৱা হৈছে যে অকল ২০২২ চনত আদানিয়ে ইয়াৰ মুঠ সম্পত্তি ৬০.৯ বিলিয়ন ডলাৰলৈ বৃদ্ধি কৰিছিল। যিটো আন যিকোনো লোকতকৈ কমেও ৫ গুণ বেছি। ভাৰতীয় মুদ্ৰাত এই পৰিমাণ প্ৰায় ৫ লাখ কোটি টকা।