গিৰিজানন্দ চৌধুৰী বিশ্ববিদ্যালয়ৰ ব্যৱসায়িক প্ৰশাসন বিভাগ(Department of Business Administration)ৰ অধ্যাপক ড° সম্পূৰ্ণ ভূঞা আৰু ফাৰুক আহমেদৰ নেতৃত্বত ২৮ জন শিক্ষাৰ্থীৰ ২০২৫ চনৰ ৯ মাৰ্চৰ পৰা ১৪ মাৰ্চলৈ ৫ দিনীয়া মালয়েছিয়া আন্তঃৰাষ্ট্ৰীয় অধ্যয়ন ভ্ৰমণৰ অন্ত পৰে। বিশ্ববিদ্যালয়ৰ মাজত স্বাক্ষৰিত বুজাবুজিৰ চুক্তিৰ অধীনত বিনিময় কাৰ্যসূচীৰ অংশ হিচাপে দলটোৱে মালয়েছিয়াৰ HELP বিশ্ববিদ্যালয় ভ্ৰমণ কৰে। উল্লেখযোগ্য যে গিৰিজানন্দ চৌধুৰী বিশ্ববিদ্যালয়ে গৱেষণা আৰু বিনিময়ৰ ক্ষেত্ৰত সহযোগিতাৰ বাবে HELP বিশ্ববিদ্যালয়, কুৱালালামপুৰকে ধৰি ৯খন বিদেশী বিশ্ববিদ্যালয়ৰ সৈতে বুজাবুজি চুক্তি স্বাক্ষৰ কৰে। এই বিনিময় কাৰ্যসূচীৰ লক্ষ্য আছিল এক বিস্তৃত শিক্ষণ অভিজ্ঞতা প্ৰদান কৰা যিয়ে বিদেশী বিশ্ববিদ্যালয় চৌহদত সাংস্কৃতিক সংমিশ্ৰণৰ সৈতে শৈক্ষিক অভিজ্ঞতাসমূহৰ বিনিময় কৰিব পাৰে।
HELP বিশ্ববিদ্যালয়খনে ভ্ৰমণকাৰী ছাত্ৰ-ছাত্ৰীসকলৰ বাবে শৈক্ষিক কৰ্মশালা আৰু উদ্যোগ ভ্ৰমণৰ কাৰ্যসূচীৰ আয়োজন কৰে। বিশ্বব্যাপী ব্যৱসায়ত সাংস্কৃতিক বুদ্ধিমত্তাৰ ওপৰত গুৰুত্ব আৰোপ কৰি এইচইএলপি বিশ্ববিদ্যালয়ৰ জ্যেষ্ঠ অধ্যাপক ড০ সুমথি পৰমাছিৱমে এই কৰ্মশালাৰ আৰম্ভণি কৰে। অধ্যাপক ড° বাৰ্নাৰ্ড লিউৱে “উদ্যোগীতা আৰু উদ্ভাৱন”ৰ ওপৰত এক অনুষ্ঠান অনুষ্ঠিত কৰে, য’ত বহনক্ষম ব্যৱসায়িক পদ্ধতিৰ ওপৰত আলোকপাত কৰা হয়। পৰৱৰ্তী আলোচনাচক্ৰসমূহত নেতৃত্বৰ কৌশল আৰু কৰ্পৰেট সামাজিক দায়বদ্ধতাৰ তাৎপৰ্যক সামৰি লোৱা হয়। য’ত পৰিৱৰ্তিত কৰ্পৰেট পৰিবেশত নেতৃত্বৰ কৌশল আৰু কৰ্পৰেট সামাজিক দায়বদ্ধতাৰ তাৎপৰ্যৰ ওপৰত গুৰুত্ব আৰোপ কৰা হয়। ড০ সম্পূৰ্ণ ভূঞাৰ নেতৃত্বত অধ্যাপক দলটোৱে উত্তৰ-পূব ভাৰতৰ উদ্যোগীকৰণ আৰু পৰিৱেশ পৰ্যটনক লক্ষ্য কৰি গিৰিজানন্দ চৌধুৰী বিশ্ববিদ্যালয়ৰ আৰু এইচএলপি বিশ্ববিদ্যালয়ৰ মাজত ভৱিষ্যতৰ গৱেষণামূলক সহযোগিতাৰ প্ৰস্তাৱ আগবঢ়ায়, যাৰ ফলত শৈক্ষিক সম্পৰ্ক শক্তিশালী কৰিব পৰা যাব।
এই ভ্ৰমণ শৈক্ষিক হোৱাৰ উপৰিও এক সাংস্কৃতিক ভ্ৰমণো আছিল। ছাত্ৰ-ছাত্ৰীসকলে মেৰ্ডেকা চৌহদ, বাটু গুহা, পেট্ৰ’নাছ টুইন টাৱাৰৰ দৰে ঐতিহাসিক আৰু আধুনিক পৰ্যটনক্ষেত্ৰসমূহো লক্ষ্য কৰে। এই অভিজ্ঞতাসমূহে মালয়েছিয়াৰ বৈচিত্ৰময় ঐতিহ্যৰ বিষয়ে জ্ঞান প্ৰদান কৰাৰ লগতে আৰু ছাত্ৰ-ছাত্ৰীসকলক ৰাজপথৰ বজাৰৰ জৰিয়তে স্থানীয় সম্প্ৰদায়ৰ সৈতে পৰিচিত হ’বলৈয়ো সুযোগ দিছিল।শেহতীয়া সময়চোৱাত গিৰিজানন্দ চৌধুৰী বিশ্ববিদ্যালয়ৰ এনে উদ্ভাৱনীমূলক শৈক্ষিক অভিজ্ঞতা প্ৰদানৰ পদক্ষেপসমূহে ছাত্ৰ-ছাত্ৰীসকলক ক্ৰমান্বয়ে আন্তঃসংযোগী পৃথিৱীখনত উৎকৃষ্টতা প্ৰদৰ্শন কৰিবলৈ উৎসাহিত কৰি আহিছে।
