গাড়ীৰ ভিতৰতে ভিনিহিয়েকৰ যৌন ক্ষুধাৰ বলি খুলশালীয়েক
মাৰ্ঘেৰিটা মহকুমাৰ লিডুত এগৰাকী ১৯ বছৰীয়া যুৱতীক ভিনিয়েকে এখন গাড়ীৰ ভিতৰত ধৰ্ষণ কৰা বুলি অভিযোগ উত্থাপিত হোৱা ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে।
ঘটনাৰ বিৱৰণি অনুসৰি সোমবাৰে অৰ্থাৎ ২৫ মাৰ্চত মুকেশ পণ্ডিতে খুলশালী আৰু খুলশালীৰ ভায়েকক এ এছ ২৩ এল ৪৮৭১ নম্বৰৰ মাৰুতি ভানেৰে ডিব্ৰুগড়ৰ এখন ব্যক্তিগত নাৰ্চিংহোমলৈ চিকিৎসাজনিত কাৰণত লৈ গৈছিল।
পিছত ভায়েকক নাৰ্চিংহোমত থৈ খুলশালীয়েকক লৈ উভটি অহাৰ পথত টিংৰাই ৩৮ নং ৰাষ্ট্ৰীয় ঘাইপথৰউলাপুলস্থিত নিৰ্জন পথত গাড়ী ৰখাই ভিনিহিয়েক মুকেশ পণ্ডিতে খুলশালীয়েকৰ লগত অনৈতিক কাৰ্য সংঘটিত কৰে। লগতে খুলশালীয়েকক ঘটনাৰ বিষয়ে কাৰো আগত প্ৰকাশ নকৰিবলৈ আৰু কৰিলে প্ৰাণে মৰাৰ ভাবুকি প্ৰদান কৰে।
কিন্তু কালি যুৱতীগৰাকীয়ে এই কথা গাঁৱৰ মহিলাসকলৰ আগত প্ৰকাশ কৰাত ভিনিহিয়েক মুকেশ পণ্ডিতক আটক কৰি উত্তম-মধ্যম সোধাই আৰক্ষী চমজায় দিয়ে। আনহাতে আজি যুৱতী গৰাকী কিছু অসুস্থ হৈ পৰাত তিনিচুকীয়াৰ এখন চিকিৎসালয়ত চিকিৎসাধীন কৰা হয় ।
আটকাধীন মুকেশ পাণ্ডিত পেছাত এজন ডাম্পাৰ চালক। লিডু আৰক্ষীয়ে ইতিমধ্য মুকেশক আজি জে’ললৈ প্ৰেৰণ কৰে। ইফালে এই খবৰ বিয়পি পৰাত আজি বহু মহিলাই লিডু আৰক্ষী চকীত উপস্থিত হৈ লম্পট মুকেশক কঠোৰ শাস্তী দিয়াৰ দাবী জনাই পৰিবেশ উত্তাল কৰি তোলে।