জন্ম আৰু মৃত্যু দুয়োটা ভাগ্যৰ হাতত। জন্ম বা মৃত্যুৰ ক্ষেত্ৰত মানুহৰ কোনো হাত নাই। সকলো ইশ্বৰৰ ইচ্ছা। কিন্তু এগৰাকী মাতৃৰ বাবে প্ৰসৱৰ পিছত নিজৰ পেটৰ সন্তান হেৰুৱাবলগীয়া হোৱাতকৈ ডাঙৰ দুখ এই পৃথিৱীত একো নাই।
এটা সুস্থ সন্তান জন্ম দিয়াৰ পিছত নিয়তিয়ে কাঢ়ি লৈ গ’ল বলীউডৰ জনপ্ৰিয় অভিনেত্ৰী চেলিনা জেটলীৰ মাতৃ হোৱাৰ সুখ। একমাত্ৰ সন্তানক হেৰুৱাই তেওঁ আৰু তেওঁৰ স্বামী পিটাৰ হাগে দিক-বিদিক হেৰুৱাই পেলাইছে।
বুধবাৰে ইনষ্টাগ্ৰামত তিনিখন ছবি শ্বেয়াৰ কৰে চেলিনাই। ইয়াৰ ভিতৰত প্ৰথম ছবিখনত তেওঁ চিকিৎসালয়ত নৱজাত শিশুটিক ধৰি হাঁহি হাঁহি কেমেৰাত সেই মুহূৰ্তটো বন্দী কৰা দেখা গৈছে। কাষতে স্বামী পিটাৰ। দ্বিতীয়খন ফটোত দেখা গৈছে তাইৰ কেঁচুৱাটো আই চি ইউত। এই পোষ্টটোৰ কেপচনত তেওঁ এই হৃদয় বিদাৰক খবৰটো দিছে।
চেলিনাই কয় যে তেওঁৰ সন্তান গৰ্ভাধাৰণৰ ৩২ সপ্তাহত প্ৰসৱৰ সময়ত মৃত্যু হয়। নৱজাতকটোৰ হাৰ্ট এটেক হৈছিল।
চেলিনাই কয় যে তেওঁ নিজৰ অভিজ্ঞতাৰ পৰাই বুজি পাইছে যে অকালতে জন্ম লোৱা শিশুৱে জীয়াই থকাৰ বাবে যুঁজ দিয়াটো কিমান কঠিন। যদি গৰ্ভাৱস্থাৰ ৩৭ সপ্তাহৰ আগতে জন্ম হয় তেন্তে সেই শিশুটিক চিকিৎসাৰ ক্ষেত্ৰত প্ৰিটাৰ্ম বেবী বুলি কোৱা হয়। চেলিনাৰ সন্তান শ্বামছেৰৰ জন্ম হৈছিল ৩২ সপ্তাহত। কিন্তু জন্মৰ কিছু সময়ৰ পিছতে তেওঁ হাৰ্ট এটেকত আক্ৰান্ত হয়। চিকিৎসাৰ পিছতো তেওঁক বচাব পৰা নাছিল।
অভিনেত্ৰীগৰাকীয়ে লগতে লিখিছে, “পিটাৰ আৰু মোৰ বাবে বহুত কঠিন আছিল।” এন আই চি ইউত আছিল এক অদ্ভুত আৰু কঠিন পৰিৱেশ। ভাল দিন আৰু বেয়া দিন আমাৰ অভিজ্ঞতাত লিপিবদ্ধ হৈ থাকিব। শ্বামছেৰক হেৰুৱাই মই আৰু পিটাৰ কেইমাহমানৰ বাবে ডুবাইৰ এখন চিকিৎসালয়লৈ গুচি আহিলোঁ। হতাশা, তীব্ৰ বিষাদ, অস্থিৰতা, অপৰাধবোধ, প্ৰেমৰ অনুভূতিয়ে আমাক আগুৰি ধৰিছিল।”
চেলিনাই লগতে কয় যে তেওঁ যি অভিজ্ঞতা লাভ কৰিছে তাত তেওঁ অকলশৰীয়া নহয়। বহুতে সন্তান হেৰুৱাৰ যন্ত্ৰণাৰ মাজেৰে পাৰ হ’বলগীয়া হয়। গতিকে এই সময়ত মনত ৰখাটো জৰুৰী যে পিতৃ-মাতৃ দুয়োজনেই ইজনে সিজনৰ কাষত থাকিব লাগে। এই পৃথিৱীখন কষ্টৰে ভৰি আছে যদিও ইয়াক অতিক্ৰম কৰিব লাগিব।
উল্লেখ্য যে চেলিনা হৈছে ‘গোলমাল ৰিটাৰ্ণছ’, ‘নো এণ্ট্ৰি’ আদি ছবিত অভিনয় কৰা বলীউডৰ এগৰাকী জনপ্ৰিয় অভিনেত্ৰী।
View this post on Instagram
