ভাৰতত বিশাল পৰিমাণৰ ধন বিনিয়োগ কৰিব গুগলএ।
সোমবাৰে এক টুইটৰ যোগে এই কথা জনাইছে গুগলৰ চি ই অ’ সুন্দৰ পিচাই-এ।
ভাৰতত ৭৫ হাজাৰ কোটি টকা বিনিয়োগ কৰিব বুলি টুইটাৰ যোগে ঘোষণা কৰিছে গুগলৰ চি ই অ’ গৰাকীয়ে।
ভাৰতত ডিজিটেল অৰ্থনীতি উন্নয়ন অৰ্থে এই ধনৰাশি বিনিয়োগ কৰা হ’ব বুলি জনাইছে গুগলৰ চি ই অ’ গৰাকীয়ে।
Today at #GoogleForIndia we announced a new $10B digitization fund to help accelerate India’s digital economy. We’re proud to support PM @narendramodi’s vision for Digital India – many thanks to Minister @rsprasad & Minister @DrRPNishank for joining us. https://t.co/H0EUFYSD1q
— Sundar Pichai (@sundarpichai) July 13, 2020
ক’ৰ’নাতংকৰ বাবে দেশত বলৱৎ কৰা ল’কডাউনৰ ফলত বিধ্বস্ত হোৱা দেশৰ অৰ্থনীতিক এই বিনিয়োগে কিছু পৰিমাণৰ সকাহ আৰু নতুন কৰ্ম সংস্থাপনৰো সৃষ্টি কৰিব বুলি আশা কৰিছে বিশেষজ্ঞ মহলে।
ইফালে গুগলৰ চি ই অ’ পিচাই-এ প্ৰধানমন্ত্ৰী নৰেন্দ্ৰ মোদীৰ ডিজিটেল ইণ্ডিয়া নিৰ্মাণৰ প্ৰচেষ্টাক প্ৰশংসা কৰি এই ধন ৰাশি বিনিয়োগ কৰাৰ কথা জানিবলৈ দিছে।
আগন্তুক পাঁচ-ছয় বছৰৰ ভিতৰত পৰ্যায়ক্ৰমে এই ধনৰাশি ভাৰতত বিনিয়োগ কৰিব গুগলএ।
যৌথ উদ্যোগ, পৰিকাঠামো নিৰ্মাণ, ইকুইটিৰ মাধ্যমেৰে এই ধনৰাশি বিনিয়োগ কৰা হ’ব বুলি জনাইছে সুন্দৰ পিচাই-এ।
