Google in Russia: জব্দ বেংক একাউণ্ট, ৰাছিয়াত নিজকে দেউলিয়া ঘোষণা কৰাৰ পথত গুগল!
ৰাছিয়া চৰকাৰে তেওঁলোকৰ সকলো বেংক একাউণ্ট জব্দ কৰাৰ পিছত Googleৰ ৰাছিয়া শাখাটোৱে এইবাৰ নিজকে দেউলিয়া ঘোষণা কৰিবলৈ আগবাঢ়িছে। তেওঁলোকে এই সন্দৰ্ভত এখন জাননীও জাৰি কৰিছে। ৰাছিয়ান চৰকাৰৰ সিদ্ধান্ত অনুসৰি, গুগলে কৰ্মচাৰীসকলক দৰমহাও দিব পৰা নাই।
গুগলৰ এজন মুখপাত্ৰই সংবাদ সংস্থাক কয়, “চৰকাৰে আমাৰ সকলো বেংক একাউণ্ট জব্দ কৰিছে। ফলস্বৰূপে, এই দেশত কাম কৰাৰ কোনো পৰিস্থিতি নাই। কৰ্মচাৰীসকলে দৰমহা পোৱা নাই। কোম্পানীটো এক তীব্ৰ সংকটৰ সন্মুখীন হৈছে।”
ৰাছিয়া চৰকাৰৰ সিদ্ধান্তৰ ফলস্বৰূপে গুগলে ৰাছিয়াৰ পৰা ইয়াৰ ব্যৱসায় প্ৰত্যাহাৰ কৰিবলৈ আগবঢ়াৰ কথা কোম্পানীটোৰ মুখপাত্ৰৰ পৰা স্পষ্ট হৈ পৰিছে।
লগতে পঢ়ক: World Boxing Championships: বক্সিঙত বিশ্ব চেম্পিয়ন হ’ল ভাৰতৰ নিখাত জাৰিন, স্বৰ্ণ জয়
ইউক্ৰেইনত সামৰিক অভিযানৰ বিৰোধিতা কৰি গুগলকে ধৰি বহুকেইটা কোম্পানীয়ে তেওঁলোকৰ সেৱা বন্ধ কৰি ৰাছিয়া চৰকাৰৰ ওপৰত হেঁচা প্ৰয়োগ কৰিবলৈ চেষ্টা কৰিছিল। কিন্তু গুগলৰ সিদ্ধান্তই এইবাৰ নিজৰ বাবেহে আপদ মাতি আনিছে।
প্ৰায় এমাহ ধৰি ৰাছিয়াৰ চৰকাৰে গুগলৰ ওপৰত চাপ বৃদ্ধি কৰিবলৈ আৰম্ভ কৰে। শেষত ইয়াক নিৰস্ত্ৰ কৰিবলৈ কোম্পানীটোৰ সকলো একাউণ্ট জব্দ কৰে। যোৱা বছৰৰ মে মাহত, গুগলক ৰাছিয়াই ৮২ হাজাৰ ডলাৰ জৰিমনা বিহিছিল। গুগলক তেতিয়া কোৱা হৈছিল যে তেওঁলোকে চৰকাৰ বিৰোধী কেইবাটাও বিষয় আঁতৰাই দিব লাগিব আৰু সেয়া নকৰিলে ই তাৰ মূল্য ভৰিব লাগিব।
লগতে পঢ়ক: Monkeypox: যৌন সম্পৰ্কৰেও বিয়পিব পাৰে মাঙ্কিপক্স; বিশেষজ্ঞসকলে কৰিলে সতৰ্ক
ইপিনে, গুগলে জানিবলৈ দিছে যে পৰিসেৱা বন্ধ থাকিলেও গুগল চাৰ্চ, মেপচ আৰু ইউটিউব সেৱা বিনামূলীয়াকৈ প্ৰদান কৰা হ’ব।