ক’ৰ’না ভাইৰাছ চিনাক্তকৰণৰ বাবে ভাৰত চৰকাৰে চীনৰ পৰা আমদানি কৰা ৰেপিড টেষ্টিং কিটে পৰীক্ষাৰ সময়ত ভুল ফলাফল দেখুওৱাৰ পাছত চৰকাৰে চীনৰ দুখন ফাৰ্মৰ সৈতে চুক্তি বাতিল কৰিছিল।
কেন্দ্ৰ চৰকাৰে চীনৰ প্ৰতিষ্ঠান দুটাৰ সৈতে ৰেপিড টেষ্টিং কিট আমদানিৰ চুক্তি বাতিল কৰাৰ পাছতে কংগ্ৰেছ দলে এই সম্পৰ্কত তদন্তৰ দাবী জনাইছিল।
কংগ্ৰেছ চৰকাৰৰ দাবীৰ পাছতে ভাৰত চৰকাৰে চীনৰ সৈতে প্ৰস্তাৱিত চুক্তি অনুসৰি এই কিট সমূহ আমদানি কৰা হৈছিল বুলি উল্লেখ কৰি এইক্ষেত্ৰত এটকাও লোকচান হোৱা নাই বুলি স্পষ্টীকৰণ দিয়ে।
ভাৰতীয় চিকিৎসা গৱেষণা প্ৰতিষ্ঠানে চীনৰ পৰা আমদানিকৃত ৰেপিড টেষ্টিং কিট সমূহ বেয়া বুলি স্পষ্ট কৰি দি ইয়াৰ ব্যৱহাৰ বন্ধ কৰিছিল।
ইয়াৰ পূৰ্বে দেশৰ বিভিন্ন ৰাজ্যৰ তৰফৰ পৰা চীনৰ পৰা আমদানি কৰা ৰেপিড টেষ্টিং কিটৰ ফলাফলত ফল্টি আহিছিল বুলি অভিযোগ কৰিছিল।
উল্লেখযোগ্য যে, ভাৰতৰ পূৰ্বে স্পেইনেও চীনৰ পৰা আমদানি কৰা ৰেপিড টেষ্টিং কিট চীনক ওভটাই দিছিল।
সমগ্ৰ বিশ্বত চীনত আৰম্ভ হোৱা ক’ৰ’না ভাইৰাছে সংহাৰী ৰূপ ধাৰণ কৰাৰ সময়ত চীনে গোটেই বিশ্বত পি পি ই কিট, ৰেপিড টেষ্টিং কিটৰ যোগান ধৰি হাজাৰ হাজাৰ কোটি টকাৰ ব্যৱসায় কৰি আহিছে।
