চুইচাইড নোট এৰি নিৰুদ্দেশ হৈ আছে গুৱাহাটীৰ বিশিষ্ট চিকিৎসক ডাঃ বিকাশ ৰঞ্জন দাস ।
খবৰ অনুসৰি ডাঃ বিকাশ ৰঞ্জন দাস নামৰ চিকিৎসকজন গুৱাহাটীৰ চানমাৰী অঞ্চলৰ নিজাৰাপাৰ পথৰ বাসিন্দা আছিল। নিজৰ এপাৰ্টমেন্টত চুইচাইড নোট এৰি থৈ নিৰুদ্দেশ হৈ আছে চিকিৎসকগৰাকী।
জানিব পৰা উক্ত এপাৰ্টমেন্টত অকলে আছিল চিকিৎসকগৰাকী। তেওঁ এপাৰ্টমেণ্টটোৰ দ্বিতীয় মহলাত বাস কৰিছিল।
সূত্ৰটোৱে জনোৱা মতে, বিগত চাৰি-পাঁচ দিন ধৰি তেওঁৰ ফ্লেটত তলা লগোৱা আছিল আৰু তেওঁৰ ফোনটোও বন্ধ হৈ আছিল।
যোৱা কিছুদিন ধৰি ফোনযোগে যোগাযোগ কৰিব নোৱাৰাৰ বাবে কালি তেওঁৰ ভগ্নীয়ে এপাৰ্টমেণ্টত উপস্থিত তলা ভাঙি ভিতৰত প্ৰৱেশ কৰি চুইচাইড নোটখন উদ্ধাৰ কৰে।
চুইচাইড নোটখন পোৱাৰ পিছতে পৰিয়ালৰ লোকে চানমাৰী থানাত এজাহাৰ দাখিল কৰে। ইতিমধ্যে গোচৰ ৰুজু কৰি আৰক্ষীয়ে অনুসন্ধান আৰম্ভ কৰিছে।
