বেংগালুৰুৰ এটা ফ্লেটৰ ভিতৰত এগৰাকী যুৱতীৰ অংগ বিচ্ছিন্ন মৃতদেহ উদ্ধাৰ। ২৯ বছৰীয়া যুৱতীগৰাকীৰ মৃতদেহ ৩০ টুকুৰা কাটি ফ্ৰীজত থৈ দিয়ে। বাংগালুৰুৰ মালেশ্বৰমত সংঘটিত হৈছে এই ঘটনা। সংবাদ সংস্থা পিটিআইয়ে আৰক্ষীৰ এক সূত্ৰৰ উদ্ধৃতিৰে শনিবাৰে প্ৰকাশ কৰা অনুসৰি যুৱতীগৰাকীৰ শৰীৰৰ অংগসমূহ এটা কোঠাৰ ফ্লেটত উদ্ধাৰ কৰা হৈছে।
শনিবাৰে ঘটনা সন্দৰ্ভত তথ্য লাভ কৰি আৰক্ষীৰ এটা দলে ফ্লেটটোলৈ গৈ মৃতদেহৰ অংগসমূহ উদ্ধাৰ কৰে। আৰক্ষীৰ জ্যেষ্ঠ বিষয়াসকলো সেই স্থানত উপস্থিত হয়। ফ্লেটটোৰ সন্মুখৰ পথত বেৰিকেড লগোৱা হৈছে। যুৱতীগৰাকীক হত্যা কৰা বুলি আৰক্ষীয়ে সন্দেহ প্ৰকাশ কৰিছে। আৰক্ষীয়ে প্ৰথমে ধৰি লৈছিল যে প্ৰায় দুসপ্তাহমান আগতে তেওঁক হত্যা কৰা হৈছে। ইতিমধ্যে ঘটনা সন্দৰ্ভত তদন্ত আৰম্ভ হৈছে। এজন আৰক্ষী বিষয়াই জনোৱা মতে, যুৱতীগৰাকীক চিনাক্ত কৰা সম্ভৱ হৈছে। আৰক্ষীয়ে তেওঁৰ নাম আৰু পৰিচয় জানিব পাৰিলে। কিন্তু তদন্তৰ স্বাৰ্থত সেই সকলো তথ্য এতিয়া প্ৰকাশ হোৱা নাই।
খবৰ, যুৱতীগৰাকীয়ে সেই এক কোঠাৰ ফ্লেটটোত ভাড়াতেই জীৱন নিৰ্বাহ কৰিছিল। তিনিমাহ আগতে সেই ভাড়াঘৰটোলৈ আহিছিল। তেওঁক কেনেকৈ হত্যা কৰা হ’ল, কোনে বা কোনে হত্যা কৰিলে সেয়া এতিয়াও স্পষ্ট হোৱা নাই। প্ৰথমে মৃতদেহটো হত্যা কৰি তাৰ পিছত অংগ বিচ্ছিন্ন কৰা হৈছে নে আন কিবা সেয়াও আৰক্ষীৰ তদন্তৰ অধীনত আছে। যোৱা কেইদিনমানত ভাড়াতীয়া ফ্লেটটোত কোনে প্ৰৱেশ কৰিছিল সেই সন্দৰ্ভত আৰক্ষীয়ে তথ্য সংগ্ৰহ কৰিছে। স্থানীয় সংবাদ মাধ্যমৰ সূত্ৰ অনুসৰি আৰক্ষীয়ে যুৱতীগৰাকীৰ চিনাকি এজন আদবয়সীয়া লোকক বিচাৰিছে।
শনিবাৰে বেংগালুৰুত সংঘটিত ঘটনাটোৱে দিল্লীৰ শ্ৰদ্ধা ৱাকাৰ হত্যাকাণ্ডৰ কথা মনত পেলাই দিয়ে। দুবছৰ আগতে ঘটিছিল। ২০ নৱেম্বৰ ২০২২। দিল্লীৰ ছটাৰপুৰৰ সমীপৰ এখন হাবিত কিছুদিন নিৰুদ্দেশ হৈ থকা শ্ৰদ্ধাৰ মৃতদেহ উদ্ধাৰ কৰা হয়। শ্ৰদ্ধাৰ হত্যাৰ অভিযোগ তেওঁৰ ৰুমমেট আফতাব আমিন পুনাৱালাৰ বিৰুদ্ধে। মৃতদেহ উদ্ধাৰ হোৱাৰ ৬ মাহ পূৰ্বে ডেটিং এপত লগ পোৱা এজন সংগীয়ে হত্যা কৰিছিল শ্ৰদ্ধাক। ইয়াৰ পিছত আফতাবে আমেৰিকান ৱেব চিৰিজৰ আলম লৈ শ্ৰদ্ধাৰ শৰীৰটো ৩৫ টুকুৰা কৰি কাটি পেলালে। নতুন ফ্ৰীজ কিনি তাত শৰীৰৰ অংগবোৰ ৰাখিলে। ইয়াৰ পিছত অভিযুক্তই ১৮ দিন ধৰি মেহৰৌলী বনাঞ্চলৰ বিভিন্ন ঠাইত শ্ৰদ্ধাৰ মৃতদেহৰ টুকুৰাবোৰ পেলাই দিয়ে।
