গুৱাহাটীত উৰণসেতু নিৰ্মাণৰ নামত পাতিছে মৰণ ফাণ্ড! পৰ্যাপ্ত সুৰক্ষা ব্যৱস্থাৰ অভাৱত মৃত্যু তিনিবছৰীয়া শিশুৰ
গুৱাহাটীত উন্নয়নৰ নামত চলি থকা উৰণসেতু নিৰ্মাণ কাৰ্যই বিপদ মাতি আনিছে সাধাৰণ জনতাৰ জীৱনলৈ। উৰণসেতু আৰু পথ তথা নলা নিৰ্মাণকাৰী ঠিকাদাৰী প্ৰতিষ্ঠানসমূহৰ মইমতালি আৰু একাংশ বিষয়াৰ গাফিলতিৰ ফলত ইতিমধ্যেই বহুকেইজন লোকে মৃত্যুক ঘটিছে। তথাপি লোকনির্মাণ বিভাগ, গুৱাহাটী পৌৰ নিগম বা আন দায়িত্বশীল সংশ্লিষ্ট কৰ্তৃপক্ষৰ গা লৰা পৰিলক্ষিত আকোঁৱালী ল’বলগীয়াহৈছে। শেহতীয়াকৈ কালাপাহাৰৰ চাইকেল ফেক্টৰীৰ উৰণসেতুৰ নিৰ্মাণস্থলীত ঠিকাদাৰী প্ৰতিষ্ঠানৰ গাফিলতিৰ ফলতে এটি তিনিবছৰীয়া কণমানি শিশুৰ কৰুণ মৃত্যু ঘটিছে।
উল্লেখ্য যে পদপথৰ জৰাজীৰ্ণ শ্লেব আৰু খোলা নলা-নৰ্দমাই মহানগৰীৰ ৰাইজৰ বাবে মৰণফান্দৰ সৃষ্টি কৰিছে। মুখ্যমন্ত্ৰীৰ নিৰ্দেশৰ পাছতহে গুৱাহাটী পৌৰ নিগম আৰু লোকনিৰ্মাণ বিভাগে পদপথ আৰু মেনহল মেৰামতিৰ কামত তৎপৰতা দেখুৱাইছে।
প্ৰাপ্ত তথ্য অনুসৰি নিৰ্মাণকাৰী প্ৰতিষ্ঠানৰ অৱহেলাৰ বাবে এই শিশুৰ মৃত্যুৰ উপৰিও বিগত এমাহত এজন শ্ৰমিকৰ বিদ্যুৎপৃষ্ট হৈ মৃত্যু হৈছে। লখৰা-নেপালী মন্দিৰ পথত নিৰ্মীয়মাণ উৰণসেতুৰ কামৰ বাবে পথটো একমুখী কৰা হৈছে, কিন্তু সুৰক্ষাৰ ব্যৱস্থা প্ৰায় নগণ্য। গাঁত, নিৰ্মাণৰ সামগ্ৰী আৰু উন্মুক্ত নলাই পথচাৰী আৰু বাহনৰ বাবে বিপদৰ কাৰণ হৈছে। এই ঘটনাৰ পাছত আৰক্ষীয়ে ঠিকাদাৰী প্ৰতিষ্ঠানৰ সঞ্চালক অবিনাশ ভাটিয়া আৰু দুজন কৰ্মচাৰীক গ্ৰেপ্তাৰ কৰিছে, কিন্তু স্থানীয় লোকে প্ৰশ্ন তুলিছে যে দায়িত্বশীল বিষয়া আৰু অভিযন্তাসকলৰ ওপৰত কিয় ব্যৱস্থা লোৱা নহয়।
আসন্ন দুৰ্গা পূজাৰ প্ৰাকমূহুৰ্তত গুৱাহাটীৰ বিধ্বস্ত পথ আৰু পদপথে ৰাইজৰ মাজত উদ্বেগৰ সৃষ্টি কৰিছে। স্থানীয় নাগৰিকে কয় যে নিৰ্মাণৰ সময়ত পৰ্যাপ্ত সুৰক্ষাৰ ব্যৱস্থা কৰা উচিত। তেওঁলোকে চৰকাৰ আৰু নিৰ্মাণকাৰী প্ৰতিষ্ঠানৰ দায়িত্বহীনতাৰ সমালোচনা কৰি কয় যে জনতাৰ নিৰাপত্তাৰ প্ৰতি গুৰুত্ব নিদিলে এনে দুৰ্ঘটনা বাৰে বাৰে হ’ব।