মুম্বাই ইণ্ডিয়ানছৰ তাৰকা মিডল অৰ্ডাৰ বেটছমেন সূৰ্য্যকুমাৰ যাদৱক ভাৰতৰ এ বি ডি ভিলিয়াৰ্ছ আখ্যা দিছে প্ৰাক্তন তাৰকা অফস্পীনাৰ হৰভজন সিঙে।
চলিত আই পি এলত আগবঢ়োৱা দুৰ্দান্ত প্ৰদৰ্শনৰ পাছতে সূৰ্য্যকুমাৰ যাদৱক প্ৰশংসা কৰি হৰভজনে যাদৱক ভাৰতৰ এ বি ডি ভিলিয়াৰ্ছ আখ্যা দিয়ে।
‘‘শ্বটৰ বিভিন্নতাৰ বাবে সূৰ্য্যকুমাৰ যাদৱক ৰখোৱাটো অতি কঠিন….অভাৰ কভাৰ, চুইপ শ্বট যাদৱে সুন্দৰভাৱে খেলাৰ উপৰিও স্পীন আৰু বেগী বলাৰকো সম পাৰদৰ্শিতাৰে খেলে’’ হৰভজন সিঙে লগতে কয়।
উল্লেখযোগ্য যে, আই পি এলত দাঙি ধৰা প্ৰদৰ্শনৰ পাছতে সূৰ্য্যকুমাৰ যাদৱক যুৱৰাজ সিং, গৌতম গম্ভীৰেও উচ্চ প্ৰশংসা কৰিছে।
নিউজিলেণ্ডৰ অলৰাইণ্ডাৰ স্কট ষ্টাইৰিছে আনকি যাদৱক নিউজিলেণ্ডৰ হৈ আন্তঃৰাষ্ট্ৰীয় ক্ৰিকেট খেলাৰ বাবেও আমন্ত্ৰণ দিছে।
প্ৰাক্তন অষ্ট্ৰেলিয়াৰ ক্ৰিকেটাৰ তথা প্ৰশিক্ষক টম মুদীয়ো সূৰ্য্যকুমাৰ যাদৱে এতিয়ালৈ আন্তঃৰাষ্ট্ৰীয় ক্ৰিকেট নেখেলাটো আচৰিত কথা বুলি মত প্ৰকাশ কৰে।
