IPLৰ আচৰণ বিধি ভংগ! ১০০% মেচ মাচুল কৰ্তন আৰু এখন মেচৰ বাবে নিষিদ্ধ ঘোষণা হৰ্ষিত ৰাণাক

ইণ্ডিয়ান প্ৰিমিয়াৰ লীগ ২০২৪ত দিল্লী কেপিটেলছৰ বিৰুদ্ধে নিজৰ দলৰ খেলৰ সময়ত আই পি এলৰ আচৰণ বিধি ভংগ কৰাৰ বাবে কলকাতা নাইট ৰাইডাৰ্ছৰ বলাৰ হৰ্ষিত ৰাণাক এখন মেচৰ নিষেধাজ্ঞা আৰু মেচ মাচুলৰ ১০০% জৰিমনা বিহা হৈছে।

আই পি এলৰ আচৰণ বিধিৰ ২.৫ অনুচ্ছেদৰ অধীনত লেভেল ১ অপৰাধ সংঘটিত কৰাৰ পাছতে ৰাণাক এই শাস্তি প্ৰদান কৰা হৈছে। ‘টাটা ইণ্ডিয়ান প্ৰিমিয়াৰ লীগ (আই পি এল) ২০২৪ৰ ৪৭ নং মেচত দিল্লী কেপিটেলছৰ বিৰুদ্ধে আই পি এলৰ আচৰণ বিধি ভংগ কৰাৰ বাবে হৰ্ষিত ৰাণাক মেচ মাচুলৰ ১০০ শতাংশ জৰিমনা আৰু এখন মেচৰ বাবে নিলম্বন কৰা হৈছে৷

উল্লেখযোগ্য যে ৰাণাই ইয়াৰ পূৰ্বেও একে স্তৰৰ আৰু একে ধৰণৰ অপৰাধ সংঘটিত কৰিছিল। আইপিএল কৰ্তৃপক্ষই লগতে কয় যে খেলুৱৈগৰাকীক পূৰ্বেও আইপিএলৰ আচৰণ বিধিৰ একে স্তৰ আৰু অনুচ্ছেদৰ অধীনত শাস্তি প্ৰদান কৰা হৈছিল।