ৰাজ্যখনৰ পঞ্চদশ মুখ্যমন্ত্ৰী হিচাপে আজি শপতগ্ৰহণ কৰিলে ডঃ হিমন্ত বিশ্ব শৰ্মাই।
কেন্দ্ৰীয় নেতৃবৰ্গৰ উপস্থিতিত শ্ৰীমন্ত শংকৰদেৱ কলাক্ষেত্ৰত দুপৰীয়া ১২ বজাত ডঃ শৰ্মাক শপত পাঠ কৰোৱায় ৰাজ্যপাল জগদীশ মুখীয়ে।
শপত গ্ৰহণ অনুষ্ঠানত ডঃ শৰ্মাই ধূতি আৰু পাঞ্জাৱী কূৰ্তা পৰিধান কৰে।
তদুপৰি ক’ভিড পৰিস্থিতিৰ বাবে উপস্থিত সকলো ব্যক্তিৰ দৰে তেওঁৱো ফেচ মাস্ক পৰিধান কৰে।
প্ৰতিগৰাকী অসমবাসীৰ শ্ৰীচৰণত সেৱা আগবঢ়াই আৰু প্ৰধানমন্ত্ৰী শ্ৰী নৰেন্দ্ৰ মোদী ডাঙৰীয়াৰ দেশপ্ৰেমৰ পৱিত্ৰ আদৰ্শ অনুকৰণ কৰি পৱিত্ৰ অসমভূমিক সততা আৰু নিষ্ঠাৰে সেৱা কৰাৰ সংকল্পৰে ৰাজ্যখনৰ মুখ্যমন্ত্ৰীৰ দায়িত্বভাৰ গ্ৰহণ কৰিলোঁ ৷ pic.twitter.com/zZ8hnpGXrh
— Himanta Biswa Sarma (@himantabiswa) May 10, 2021
সাধাৰণতে ইয়াৰ আগলৈকে ৰাজ্যখনৰ কোনো মুখ্যমন্ত্ৰীয়ে শপতগ্ৰহণ অনুষ্ঠানত এনেধৰণে পৰম্পৰাগত অসমীয়া সাজ পৰিধান কৰা দেখা পোৱা নগৈছিল।
এইক্ষেত্ৰত ডঃ শৰ্মাই ব্যতিক্ৰমী নিদৰ্শন দাঙি ধৰিলে।
বগা ৰঙৰ পাঞ্জাৱী কূৰ্তা আৰু ধূতি পৰিধান ডঃ শৰ্মাই অসমীয়া সংস্কৃতিৰ বাৰ্তা বহন কৰিছে।
শপতগ্ৰহণ অনুষ্ঠানত ডঃ শৰ্মাৰ মাতৃ মৃণালিনী দেৱী আৰু পত্নী ৰিণিকী ভূঞা মহন্তও উপস্থিত থাকে।
