২০২০ চনৰ ফেব্ৰুৱাৰী মাহত ৰাজ্য জুৰি জোকাৰণিৰ সৃষ্টি কৰা হোজাইৰ শিশু ধৰ্ষণ আৰু হত্যাৰ ঘটনা সন্দৰ্ভত আজি হোজাইৰ সত্ৰ ন্যায়াধীশে এক বিশেষ ৰায়দান কৰে।
হোজাইৰ অতিৰিক্ত জিলা ন্যায়াধীশ এন দেউৰীৰ আদালতে শিশু ধৰ্ষণকাৰী তথা হত্যাকাৰী চন্দন হৰিজনক ফাঁচিৰ নিৰ্দেশ দিয়ে ।
উল্লেখ্য ২০২০ চনৰ ২৬ ফেব্ৰুৱাৰীত এটি ৫ বছৰীয়া শিশুক ধৰ্ষণ কৰি হত্যা কৰিছিল চন্দন হৰিজন নামৰ যুৱকে জনে। এই ঘটনাই সমগ্ৰ ৰাজ্য খনতে প্ৰতিক্ৰিয়াৰ সৃষ্টি কৰিছিল।হোজাইৰ নন্দপুৰ দৰিয়াবস্তিৰ বাঁহনিত উদ্ধাৰ হৈছিল শিশুটিৰ মৃতদেহ ।
হত্যাকাৰীক চিনাক্ত কৰি গ্ৰেপ্তাৰৰ দাবীত হোজাইৰ জনতাই
কৰি হোজাই থানা ঘেৰাও কৰিছিল আৰু এই ঘটনাত চন্দন হৰিজন নামৰ যুৱক জন জড়িত থাকিব পাৰে বুলি সন্দেহ কৰি গাঁওৰ ৰাইজে যুৱক জনক আৰক্ষীক গতাই দিছিল ।
পিছত যুৱকজনে আৰক্ষীৰ আগত শিশুটিক ধৰ্ষণ কৰি হত্যা কৰাৰ কথা স্বীকাৰ কৰিছিল। হোজাইৰ আদালতত ২০২০ৰ মাৰ্চ মাহৰ পৰা চলিছিল গোচৰৰ শুনানি আৰু আজি উক্ত গোচৰৰ ৰায়দান কৰি অভিযুক্ত চনন্দন হৰিজনক মৃত্যুদণ্ড বিহা হয়।
আদালতৰ ৰায়ক আদৰণি জনাইছে দুৰ্ভগীয়া শিশুটিৰ পৰিয়ালৰ লগতে স্থানীয় ৰাইজে।
