সমগ্ৰ দেশজুৰি ল’কডাউন ঘোষণা কৰাৰ পাছত বিদ্যালয় আৰু মহাবিদ্যালয়ৰ ছাত্ৰ-ছাত্ৰী সকলে সন্মুখীন হৈ অহা বিভিন্ন সমস্যা সমাধানৰ বাবে মানৱ কল্যান বিকাশ মন্ত্ৰ্যালয়ে শুকুৰবাৰে এক হেল্পলাইন পোৰ্টেল মুকলি কৰে।
অল ইণ্ডিয়া কাউঞ্চিল অব টেকনিকেল এডুকেশ্যন(এ আই চি টি ই)ৰ দুগৰাকী প্ৰশিক্ষাৰ্থীয়ে হেল্পলাইন পোৰ্টেল (https://helpline.aicte-india.org) টো এদিনৰ ভিতৰত প্ৰস্তুত কৰি উলিয়াই।
কেন্দ্ৰীয় মানৱ সম্পদ বিকাশ মন্ত্ৰ্যালয়ৰ মন্ত্ৰী ৰমেশ পোখৰিয়ালে শুকুৰবাৰে ছাত্ৰ-ছাত্ৰীসকলৰ সহায় হোৱাকৈ হেল্পলাইন পোৰ্টেলটো মুকলি কৰে।
মুকলি অনুষ্ঠানত এ আই চি টি ইৰ সঞ্চালক অনিল সহস্ৰবুদ্ধি আৰু অন্যান্য অতিথি সকলো উপস্থিত থাকে।
যিসকল ছাত্ৰ-ছাত্ৰীয়ে থকা, খোৱা, অনলাইন ক্লাছ, পৰীক্ষা, জলপানি, স্বাস্থ্য আদিৰ ক্ষেত্ৰত সমস্যাত ভোগে সেইসকল ছাত্ৰ-ছাত্ৰীয়ে এই পোৰ্টেলটোৰ জৰিয়তে সহায় লাভ কৰিব।
আনহাতে, মানৱ সম্পদ বিকাশ মন্ত্ৰী গৰাকীয়ে দেশৰ প্ৰায় ৬৫০০ খন মহাবিদ্যালয়ে এইক্ষেত্ৰত সহযোগিতা আগবঢ়োৱাৰ বাবে আগবাঢ়ি আহিছে বুলিও পোখৰিয়ালে লগতে কয়।
স্বাস্থ্য মন্ত্ৰ্যালয়ে জনোৱা অনুসৰি দেশত ক’ৰ’না ভাইৰাছত আক্ৰান্ত লোকৰ সংখ্যা বৃদ্ধি পাই ২৯০২ গৰাকী হৈছে।
