চীনত উইঘুৰ মুছলমানসকলৰ ওপৰত নিৰ্যাতনৰ ঘটনা কোনো নতুন কথা নহয়। ডিটেনশ্যন কেম্পত ৰাখি উইঘুৰ মুছলমানৰ ওপৰত নিৰ্যাতন চলোৱাৰ ঘটনাও সংঘটিত হোৱাৰ খৱৰ পোৱা যায়।
চীনত এইবাৰ উইঘুৰ মুছলমানসকলক চিনাক্ত কৰাৰ বাবে নতুন প্ৰযুক্তি আনিছে। হুৱাইৰ সাহায্যত এই প্ৰযুক্তি গঢ়ি তোলা হৈছে।
চীনে উইঘুৰ মুছলমানসকলক নি:শেষ কৰিবলৈ সদায় নতুন নতুন পন্থা অৱলম্বন কৰি আহিছে। এইবাৰ তেওঁলোকক চিনাক্ত কৰিবলৈ অত্যাধুনিক ছফটৱেৰ নিৰ্মাণ কৰাৰ খৱৰ পোৱা গৈছে।
উইঘুৰ মুছলমানসকলক ভিৰৰ মাজতো যাতে সহজেই চিনাক্ত কৰিব পাৰি তাৰ বাবে চীনৰ প্ৰসিদ্ধ তথ্যপ্ৰযুক্তিৰ কোম্পানী হুৱাইয়ে এটা ছফটৱেৰ নিৰ্মাণ কৰিছে। ইয়াৰ দ্বাৰা মুখ দেখিয়েই উইঘুৰসকলক চিনাক্ত কৰিব পৰা যাব।
ইয়াৰ সহায়ত ধাৰ্মিক উইঘুৰ মুছলমানসকলক বাছি বাছি কাৰাগাৰত নিক্ষেপ কৰা হৈছে। আনকি তেওঁলোকৰ সম্পৰ্কত এক বিশাল তথ্য ভাণ্ডাৰো নিৰ্মাণ কৰা হৈছে।
চীনৰ সংখ্যালঘু সম্প্ৰদায়ৰ উইঘুৰসকলক লৈ বিভিন্ন সময়ত বাতৰি প্ৰকাশ পাই আহিছে।সুদীৰ্ঘদিন ধৰি তেওঁলোকৰ ওপৰত চীনৰ প্ৰশাসনে নিৰ্যাতন চলাই অহাৰো অভিযোগ আছে।
আমেৰিকা, ব্ৰিটেইনৰ দৰে দেশে ৰাষ্ট্ৰসংঘৰ নিৰাপত্তা পৰিষদত এই বিষয়টো উত্থাপনো কৰিছে।
চীনৰ উত্তৰ-পশ্চিমৰ প্ৰদেশ ঝিনজিয়াঙত উইঘুৰ মুছলমানসকলৰ বসতি। তাত নানা বাধা-নিষেধাজ্ঞা বলবৎ কৰি তেওঁলোকৰ মানাধিকাৰ লংঘন কৰাৰ অভিযোগ উত্থাপিত হৈ আহিছে।
