মাৰ্ঘেৰিটা হিলভিউ জয়া ঘাটত দেওবাৰে নিশা সংঘটিত হ’ল এক চুৰি কাণ্ড। গৃহস্থৰ ঘৰত কোনো নথকাৰ সুযোগ গ্ৰহণ কৰি চোৰে লুটি নিলে লক্ষাধিক টকাৰ আ-অলংকাৰৰ লগতে মূল্যৱান সামগ্ৰী।
একাংশ সন্দেহজনক লোকে কিছুদিনৰ পৰা বাহৰ পাতি থাকি এনে চুৰি কাণ্ড সংঘটিত কৰি আহিছে বুলি সন্দেহ কৰিছে গৃহস্থই। মাৰ্ঘেৰিটা হিলভিউ জয়া ঘাট নিৱাসী ছেকু ৰহিমোদ্দিন আহমেদ নামৰ ব্যক্তিজনৰ ঘৰত কোনো নথকাৰ সুযোগ লৈ দেওবাৰে নিশা চুৰি কাণ্ড সংঘটিত হয়।
চোৰে ঘৰৰ কেইবাটাও তলা আৰু গডৰেজৰ তলা ভাঙি ধন আৰু আ-অলংকাৰ চোৰ কৰি লৈ যায়। ঘৰৰ লোকসকল মাৰ্ঘেৰিটাৰ পৰা শিৱসাগৰৰ পৰিয়ালৰ লোকৰ ঘৰলৈ দিনৰ ভাগতে গৈছিল আৰু নিশা পলমকৈ ঘৰত আহি উপস্থিত হোৱাত গৃহস্থই ঘৰত চোৰে লক্ষাধিক টকাৰ আ-অলংকাৰৰ লগতে বহু মূল্যৱান সামগ্ৰী চুৰি কৰি লৈ যোৱাৰ বিষয়ে গ’ম পায়।
মাৰ্ঘেৰিটা হিল্লভিও এলেকাত একাংশ সন্দেহজনক বিদেশী লোকে কিছুদিনৰ পৰা বাহৰ পাতি থাকি এনে চোৰ কাণ্ড সংঘটিত কৰি আহিছে বুলি গৃহস্থই সন্দেহ কৰিছে। আনহাতে, আৰক্ষী ঘটনাস্থলীত উপস্থিত হৈ চুৰিকাণ্ডৰ বুজ লোৱাৰ লগতে চোৰক কৰায়ত্ত কৰাৰ বাবে অভিযান আৰম্ভ কৰাৰ কথা জানিব পৰা গৈছে।
