নিৰ্লজ্জ, নিকৃষ্ট, পৈশাচিক, অসংস্কৃত – কি বুলি ক’ব কওঁক?
সোঁহাতত চিগাৰেট, বাওঁহাতত গুপ্তাংগ। সু্ৰামত্ত হৈ ৰাজপথত এগৰাকী দলিত শ্ৰমিকৰ মুখত প্ৰস্ৰাৱ ত্যাগ কৰিলে এজন বিজেপি নেতাই।
মধ্যপ্ৰদেশৰ শাসকীয় বিজেপি দলৰ এইগৰাকী নেতাৰ এই ঘৃণনীয় কাৰ্য ইতিমধ্যে সামাজিক মাধ্যমত ভাইৰেল হৈ পৰিছে। এহাতে চিগাৰেট আৰু আনটো হাতেৰে গুপ্তাংগত ধৰি দৰিদ্ৰ শ্ৰমিকজনৰ মুখত প্ৰস্ৰাৱ কৰিছে বিজেপিৰ নেতাগৰাকীয়ে।
মধ্যপ্ৰদেশৰ ছিধিত সংঘটিত হৈছে এই চাঞ্চল্যকৰ ঘটনা। তদন্তত প্ৰকাশ পাইছে যে দৰিদ্ৰ ব্যক্তিজন পেছাত দিন হাজিৰা কৰা আৰু অঞ্চলটোৰ এগৰাকী দলিত ব্যক্তি। এই ভিডিঅ’ক লৈ এতিয়া মধ্যপ্ৰদেশৰ মুখ্যমন্ত্ৰী শিৱৰাজ সিং চৌহানৰ শাসিত বিজেপি চৰকাৰৰ বিৰুদ্ধে সমগ্ৰ দেশতে ক্ষোভৰ সৃষ্টি হৈছে।
ৰাইজৰ ক্ষোভ উপলব্ধি কৰি ৰাজ্যখনৰ মুখ্যমন্ত্রীয়ে প্রশাসনক নেতাজনৰ বিৰুদ্ধে ৰাষ্ট্ৰীয় নিৰাপত্তা আইনৰ অধীনত কঠোৰ ব্যৱস্থা ল’বলৈ নিৰ্দেশ দিছে।
বুধবাৰে বাহাৰী থানাৰ আৰক্ষীয়ে ব্যক্তিজনক গ্ৰেপ্তাৰ কৰি তেওঁৰ বিৰুদ্ধে ভাৰতীয় দণ্ডবিধিৰ ২৯৪ (অশ্লীল আচৰণ), ৫০৪ (ইচ্ছাকৃতভাৱে অপমান) আৰু অনুসূচিত জাতি আৰু অনুসূচিত জনজাতি আইনৰ অধীনত গোচৰ ৰুজু কৰিছে।
জানিব পৰা মতে, এই অভব্য আচৰণ কৰা ব্যক্তিগৰাকীৰ নাম প্ৰবেশ শুক্লা।
প্ৰবেশ শুক্লাৰ সৈতে বিজেপিৰ কোনো যোগাযোগ নাই বুলি শাসকীয় বিজেপিয়ে স্পষ্টীকৰণ দিছে যদিও প্ৰবেশৰ পিতৃ ৰমাকান্ত শুক্লাই দাবী কৰিছে যে তেওঁৰ পুত্ৰ ভাৰতীয় জনতা পাৰ্টিৰ বিধায়ক কেদাৰনাথ শুক্লাৰ প্ৰতিনিধি।
লগতে পঢ়কঃ অসমত হিমন্ত বিশ্ব শৰ্মাৰ মতে চলে আম আদমী পাৰ্টি!
লগতে পঢ়কঃ ত্ৰিপ্ৰা মথাৰ মুৰব্বী প্ৰদ্যুৎ দেৱ বাৰ্মাই ত্যাগ কৰিলে ৰাজনীতি আৰু ৰাজহুৱা জীৱন
লগতে পঢ়কঃ সাধাৰণ জ্ঞানৰ প্ৰশ্ন : কোনজন ৰজাই পিতৃক হত্যা কৰি নিজৰ মাতৃক বিয়া কৰাইছিল?
