Hyperloop প্ৰকল্প শীঘ্ৰেই ভাৰতত বাস্তৱ হোৱাৰ পথত। Hyperloop One প্ৰকল্পৰ ওপৰত বৰ্তমান কাম কৰি থকা হৈছে আৰু ইয়াৰ জৰিয়তে দীৰ্ঘ দূৰত্ব অতিক্ৰম কৰোতে তলকিবই পৰা নাযাব।
ইয়াত মিনিটৰ হিচাপত যাত্ৰাৰ সময় নিৰ্দ্ধাৰণ কৰিব পৰা যাব। Hyperloop One চিষ্টেমত টিউবৰ চিৰিজ থাকে আৰু ইয়াত কোনো ঘৰ্ষণ বা হাৱা অবিহনেই তীব্ৰ গতিৰে যাত্ৰা কৰাটো সম্ভৱ।
ইয়াত যাত্ৰীয়ে বহিবৰ বাবে আৰামদায়ক আসন থাকিব। বহুদিনৰ পৰাই ইয়াৰ পৰীক্ষণৰ কাম চলি আছে আৰু ভাৰততো ইয়াক অনাৰ পৰিকল্পনা কৰা হৈছে।
এতিয়ালৈকে ক’তো সম্পূৰ্ণ কাৰ্যক্ষম Hyperloop নাই। বাতৰি অনুসৰি বৰ্তমান বহুত জটিলতাৰ মাজত থকা ইয়াক যাত্ৰীৰ বাবে সুৰক্ষিত কৰি তোলা কামটো বাকী আছে।
Virgin Hyperloop এ এই প্ৰকল্পটো আৰম্ভ কৰিব পৰা যায় বুলি পতিয়ন গৈছে। জানিব পৰা মতে, মহাৰাষ্ট্ৰৰ এঠাইত ইয়াৰ বাবে চুক্তি প্ৰায় চূড়ান্ত হ’বলৈ আগবাঢ়িছে।
মহাৰাষ্ট্ৰ চৰকাৰে মুম্বাই আৰু পুনেৰ মাজত Hyperloop প্ৰকল্পৰ বাবে সেউজ সংকেত দিছে। এই দুই ঠাইৰ মাজৰ ২০০ কিলোমিটাৰ দূৰত্ব Hyperloopত ৩৫ মিনিটত অতিক্ৰম কৰিব পৰা যাব। এনেয়ে মুম্বাইৰ পৰা পুনেলৈ ৩.৫ ঘন্টা সময় লাগে।
Virgin Hyperloop Oneৰ মুখ্য কাৰ্যবাহী জয় ৱালদাৰে কয়,’’ইতিহাস গঢ়িবলৈ আগবঢ়া হৈছে। এয়া বিশ্বৰ ভিতৰত প্ৰথম Hyperloop One পৰিবহন ব্যৱস্থা হ’ব আৰু ই ভাৰতক আগবঢ়াই লৈ যাব। এয়া জনসাধাৰণক Hyperloopৰ সুবিধা প্ৰদানৰ বাবে গ্ৰহণ কৰা এক ডাঙৰ পদক্ষেপ।‘’
২০১৯ৰ শেষৰ ফালে ভাৰত চৰকাৰে Virgin Hyperloop Oneক কন্ট্ৰেক্ট দিয়াৰ সম্ভাৱনা আছে।
Hyperloop পৰিবহনৰ এনে এক মাধ্যম যাৰ দ্বাৰা দ্ৰুত যাত্ৰা সম্ভৱ। ইয়াত ছীলড্ টিউব থাকে যাৰ জৰিয়তে হাৱা অবিহনে কোনো ঘৰ্ষণ নোহোৱাকৈ তথা মসৃন যাত্ৰা সম্ভৱ।
