ভাৰত আৰু ইয়াৰ চুবুৰীয়া দেশৰ লোকসকলৰ বাবে এতিয়াও উইণ্ডোজ-৭ প্ৰথম পচন্দ হৈ আছে।
এতিয়া ২০২০ চন। যদি এতিয়াও আপুনি আপোনাৰ লেপটপ অথবা পিচিত উইণ্ডোজ-৭ ব্যৱহাৰ কৰি আছে তেনেহ’লে ইয়াক আপগ্ৰেড কৰক কাৰণ ১৪ জানুৱাৰিৰ পাছৰ পৰা উইণ্ডোজে মাইক্ৰ’চফ্টৰ পৰা সুৰক্ষা নিশ্চয়তা লাভ নকৰিব।
নিৰ্মামকাৰী প্ৰতিষ্ঠানৰ তৰফৰ পৰা এতিয়াও যদি আপুনি উইণ্ডোজ-৭ ব্যৱহাৰ কৰি আছে তেন্তে ই চাইবাৰ অথবা মালৱেৰ আক্ৰমণৰ পৰা সুৰক্ষিত নহ’ব বুলি প্ৰকাশ কৰিছে।
সমগ্ৰ ব্যৱস্থাটোক অধিক সুৰক্ষিত কৰি ৰাখিবলৈ হ’লে প্ৰতিষ্ঠানটোৱে চিষ্টেমক উইণ্ডোজ-১০ লৈ আপগ্ৰেড কৰাৰ বাবে পৰিকল্পনা গ্ৰহণ কৰিছে।
যদিহে আপুনি তিনিবছৰ পুৰণি চিষ্টেম ব্যৱহাৰ কৰি আছে তেনেহ’লে মাইক্ৰ’চফ্টৰ তৰফৰ পৰা নতুন উইণ্ডোজ চিষ্টেম ব্যৱহাৰ কৰাৰ বাবে আহ্বান জনাইছে।
১৪ জানুৱাৰীত উইণ্ডোজ-৭ৰ কি হ’ব?
কোনোধৰণৰ চফ্টৱেৰ আপডেট নাথাকিব।
কোনোধৰণৰ চিকিউৰিটি আপডেট নাথাকিব।
এনেহ’লে বহু সংখ্যক লোকে অসুবিধাত পৰিব যদিও মাইক্ৰ’চফ্টৰ তৰফৰ পৰা এনে পৰিস্থিতিত ওচৰৰ কম্পিউটাৰৰ দোকানলৈ গৈ লেপটপ বা পিচিটো উইণ্ডোজ-১০ৰ বাবে উপযুক্ত নে নাই পৰীক্ষা কৰাৰ বাবে নিৰ্দেশনা দিছে।
আনহাতে, যদিহে আপুনি উইণ্ডোজ-১০ লোৱাৰ পৰিকল্পনা কৰিছে তেন্তে সকলো ফাইল অতিৰিক্ত ষ্টোৰেজ ডিভাইচত জমা থব লাগিব।
