বিশ্বজুৰি মহামাৰীৰ ৰূপ ধাৰণ কৰা কৰ’নাভাইৰাছৰ প্ৰতিষেধক উলিওৱাৰ বাবে আই আই টি গুৱাহাটীৰ এদল গৱেষকে চেষ্টা কৰি আছে।
তাৰোপৰি বিভিন্ন ভাইৰাছ আৰু মাইক্ৰ’অৰ্গেনিজমবোৰ সোনকালে আৰু ধৰা পেলাব পৰা প’ৰ্টেবল ডায়েগনষ্টিক কিট নিৰ্মাণৰ বাবেও আই আই টি গুৱাহাটীয়ে চেষ্টা কৰি আছে।
আই আই টিখনৰ বায়’চাইন্স আৰু বায়’ইঞ্জিনিয়াৰিং বিভাগৰ অধ্যাপক শচীন কুমাৰৰ নেতৃত্বত দলটোৱে কাম কৰি আছে।
ইপিনে ভাইৰাছৰ সংক্ৰমণ প্ৰতিহত কৰাৰ বাবে বিশ্ব স্বাস্থ্য সংস্থাৰ নিৰ্দেশনাৰ আধাৰত আই আই টি গুৱাহাটীয়ে এবিধ ফেচশ্বিল্ড বা মাস্কো তৈয়াৰ কৰি উলিয়াইছে।
এই দলটোক নেতৃত্ব দিছে আই আই টিখনৰ ডিজাইন বিভাগৰ ডঃ সুপ্ৰদীপ দাসে।
@IITGuwahati has developed the prototype of a Faceshield as per the guideline of the @WHO to be used along with other Personal protective equipment. Faculty has plans to #3Dprint up to 100 pieces. congratulations to Dr. Supradip Das, AP, DoD. #fightagainstcorona pic.twitter.com/fRwooHooo6
— IIT Guwahati (@IITGuwahati) March 25, 2020
তাৰোপৰি বিশ্ব স্বাস্থ্য সংস্থাৰ পৰামৰ্শৰ আধাৰত আই আই টি গুৱাহাটীয়ে হেণ্ড ছেনিটাইজাৰো প্ৰস্তুত কৰিছে।
এই ছেনিটাইজাৰসমূহ আই আই টি চৌহদৰ সকলোকে বিতৰণ কৰা হৈছে।
আই আই টি গুৱাহাটীৰ বায়’চাইন্স আৰু বায়’ইঞ্জিনিয়াৰিং বিভাগৰ গৱেষকৰ দলটোৱে পূৰ্বে জাপানী এনকেফেলাইটিছ আৰু ছোৱাইন ফ্লুৰ প্ৰতিষেধকো তৈয়াৰ কৰিছিল।
তেওঁলোকৰ গৱেষণাটো ‘Vaccine and Archives of Virology’ত প্ৰকাশিত হৈছিল।
