বিশ্বনাথৰ এখন গাঁৱত আজিৰ দিনটোতে ৬ গৰাকী শিশুৰ দেহত ধৰা পৰিছে ক’ভিড পজিটিভ
বিশ্বনাথত ভয়াবহ ৰূপ ধাৰণ কৰিছে কভিড-১৯ৰ সংক্ৰমণে। বিশ্বনাথ ঘাটৰ নতুন গাওঁত ছটাকৈ শিশুৰ দেহত ধৰা পৰিছে কভিড ১৯ পজিটিভ।
ৰাজ্যৰ কেইবাখনো জিলাৰ লগতে বিশ্বনাথকো ইতিমধ্যে আজিৰে পৰা ৭ দিনলৈ কণ্টেইনমেন্ট জ’ন হিচাপে ঘোষণা কৰা হৈছে। কিয়নো ইয়াত ক্ৰমান্বয়ে বৃদ্ধি পাবলৈ ধৰিছে ক’ভিড আক্ৰান্ত ৰোগীৰ সংখ্যা।
বিশ্বনাথ ঘাট গাওঁ পঞ্চায়তৰ অধীনত নতুন গাওঁত জিলা স্বাস্থ্য বিভাগে কৰোৱা কৰ’না টেষ্টত আজিৰ দিনটোতে ছটাকৈ শিশুৰ দেহত ক’ভিডৰ অৱস্থিতি ধৰা পৰে।
এই ছটা শিশুৰ ভিতৰত আছে এটি ১০ মহীয়া দেৱ শিশুও আছে। সেইদৰে, ৫ বছৰৰ দুটা, ৯বছৰীয়া এটা, ১০বছৰীয়া এটা শিশু আৰু ১১ বছৰীয়া শিশু এটিৰ দেহত ধৰা পৰিছে কৰ’নাৰ অৱস্থিতি।
উল্লেখ্য যে যোৱা কেইবাদিনৰ পৰা অঞ্চলটোত স্বাস্থ্যকৰ্মী সকলে ক’ভিড পৰীক্ষা কৰাৰ ফলত বৰ্তমান পৰ্যন্ত ৭১ গৰাকীৰ দেহত ধৰা পৰিছে এই ভাইৰাছ।
ইতিমধ্যে এই আক্ৰান্ত ৰোগীসকলক চিকিৎসাৰ বাবে ক’ভিড কেয়াৰ চেন্টাৰলৈ প্ৰেৰণ কৰা হৈছে।