লাহৰীঘাট আৰু মৰিগাঁও আৰক্ষীৰ যুটীয়া অভিযানত যোৱা নিশা বোৱালগুৰিৰ পৰা উৎখাত কৰা হয় কুখ্যাত চাইবাৰ ঘাটি। কুখ্যাত চাইবাৰ অপৰাধী ছিৰাজুল ইছলামে দীৰ্ঘদিন ধৰি বিভিন্ন এপৰ জৰিয়তে সহজ-সৰল লোকৰ নামত চাইবাৰ অপৰাধেৰে সংগ্ৰহ কৰি আহিছিল লাখ-লাখ টকা।
শেহতীয়াকৈ ছিৰাজুলে ধনী এপৰ জৰিয়তেও চলাইছিল চাইবাৰ অপৰাধ। এগৰাকী ভুক্তভোগীৰ অভিযোগৰ ভিত্তিত এটা বিশেষ ফোন নম্বৰৰ আঁতধৰি মৰিগাঁও জিলা অতিৰিক্ত আৰক্ষী অধীক্ষক সমীৰণ বৈশ্যই সমগ্ৰ বিষয়টো তৎপৰতাৰে গ্ৰহণ কৰি যোৱা নিশা ছিৰাজুল ইছলামৰ পত্নীক আটক কৰাৰ পিছত পোহৰলৈ আহে চাইবাৰ অপৰাধৰ বিশাল নেটৱৰ্ক।
লগতে পঢ়ক: চৰম নৃশংসতা! চলন্ত গাড়ীৰ পৰা কোলাৰ শিশুক দলিয়াই দি মাতৃৰ ওপৰত যৌন নিৰ্যাতন চলালে দুৰ্বৃত্তই
ছিৰাজুলৰ পত্নীৰ স্বীকাৰোক্তিৰ ভিত্তিত ছিৰাজুলৰ বাসগৃহত অভিযান চলাই আৰক্ষীয়ে ১২১খন ছিমকাড, ১৮খন পানকাৰ্ড, ৫০খন ব্লেংপানকাৰ্ড, প্ৰায় ৫০০ ব্লেং আধাৰকাৰ্ড, ৫টা লেপটপ, কিউৱাৰ কোড ৩ টা, আইপেড ১টাৰ লগতে বিভিন্ন বেংকৰ বহু পাচবুককে ধৰি চাইবাৰ কামত ব্যৱহৃত বিভিন্ন নথি/পত্ৰ,ষ্টাম্প,পেড আৰু এখন ফেচমাস্ক জব্দ কৰে।
ইপিনে, আৰক্ষী উপস্থিতি হোৱাৰ পূৰ্বেই পলায়ন কৰে কুখ্যাত চাইবাৰ অপৰাধী চিৰাজুল ইছলাম। বৰ্তমানো ছিৰাজুল ইছলাম পলাতক হৈ আছে।
লগতে পঢ়ক: জঘণ্য কাণ্ড! সম্পত্তিৰ বাবে প্ৰবীণ অভিনেত্ৰীক হত্যা পুত্ৰৰ; ঘৰুৱা সহায়ক সহ পুত্ৰক গ্ৰেপ্তাৰ
আজি আৰক্ষী অধীক্ষকগৰাকীয়ে লাহৰীঘাট থানাত এক সংবাদমেলৰ আয়োজন কৰি শীঘ্ৰেই বিশাল চাইবাৰ অপৰাধৰ নেটৱৰ্কৰ বিৰুদ্ধে কঠোৰ পদক্ষেপ গ্ৰহণৰ কথা সদৰী কৰে।
